தமிழ் செய்திகள்  /  தமிழ்நாடு  /  Weather Update: ‘குளிருதடி மாலா ஹீட்டரை போடு’.. இன்று, நாளை இங்கெல்லாம் மழை பெய்யும் மக்களே! - முழு லிஸ்ட் உள்ளே!

Weather Update: ‘குளிருதடி மாலா ஹீட்டரை போடு’.. இன்று, நாளை இங்கெல்லாம் மழை பெய்யும் மக்களே! - முழு லிஸ்ட் உள்ளே!

Kalyani Pandiyan S HT Tamil
May 19, 2024 07:29 AM IST

Weather Update: இன்று முதல் 22ம் தேதி வரை, தமிழகத்தில் பெரும்பாலான இடங்கள் மற்றும் புதுச்சேரி, காரைக்கால் பகுதிகள் ஆகியவற்றில் இடி, மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும். - முழு லிஸ்ட் உள்ளே!

Weather Update: ‘குளிருதடி மாலா ஹீட்டரை போடு’.. இன்று, நாளை இங்கெல்லாம் மழை பெய்யும் மக்களே! - முழு லிஸ்ட் உள்ளே!
Weather Update: ‘குளிருதடி மாலா ஹீட்டரை போடு’.. இன்று, நாளை இங்கெல்லாம் மழை பெய்யும் மக்களே! - முழு லிஸ்ட் உள்ளே!

ட்ரெண்டிங் செய்திகள்

இது தொடர்பாக, அதன் இயக்குநர் செந்தாமரை கண்ணன் வெளியிட்டுள்ள செய்திக் குறிப்பு இங்கே!

கடந்த 24 மணி நேரத்தில், தமிழக உள் மாவட்டங்கள் மற்றும் தென் கடலோர மாவட்டங்களில் அநேக இடங்களிலும், புதுச்சேரி மற்றும் காரைக்கால் பகுதிகளிலும், வடகடலோர மாவட்டங்களில் ஓரிரு இடங்களிலும், மழை பெய்து இருக்கிறது. 

அதிகபட்சமாக குன்னுார், பில்லுார் அணை, மேட்டுப்பாளையம் பகுதியில் தலா 17 செ.மீ., மழையும், அதற்கு அடுத்தபடியாக, உசிலம்பட்டி, தேனி மஞ்சளாறு பகுதிகளில், 9 செ.மீட்டர் மழையும், சிவகிரி, கீழ்கோத்தகிரி எஸ்டேட், பர்லியார், திருப்பூர் மடத்துக்குளம் பகுதிகளில் தலா 8 செ.மீ., மழையும் பதிவாகி இருக்கிறது. 

தென்மாவட்டங்கள் மற்றும் அதையொட்டிய பகுதிகளின் மேல், வளி மண்டல கீழடுக்கு சுழற்சி நிலவுகிறது. - இன்று எங்கெல்லாம் மழை பெய்யும்? 

 

இன்று முதல் 22ம் தேதி வரை, தமிழகத்தில் பெரும்பாலான இடங்கள் மற்றும் புதுச்சேரி, காரைக்கால் பகுதிகள் ஆகியவற்றில் இடி, மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும். இன்று தேனி, தென்காசி, நெல்லை மாவட்டங்களில், ஓரிரு இடங்களில் கனமழை முதல் அதிகன மழை பெய்யும். 

கன்னியாகுமரி, விருதுநகர், திண்டுக்கல், திருப்பூர், கோவை, நீலகிரி மாவட்டங்களில், ஓரிரு இடங்களில் கன முதல் மிக கன மழையும், துாத்துக்குடி, ராமநாதபுரம், மதுரை, சிவகங்கை, புதுக்கோட்டை மாவட்டங்களில், ஓரிரு இடங்களில் கன மழையும் பெய்ய வாய்ப்பிருக்கிறது. 

நாளை எங்கெல்லாம் மழை

நாளை கன்னியாகுமரி, திருநெல்வேலி, தென்காசி, தேனி மாவட்டங்களில், ஓரிரு இடங்களில் கன முதல் அதிகன மழை பெய்யும். விருதுநகர், திண்டுக்கல், திருப்பூர், கோவை, நீலகிரி மாவட்டங்களில், ஓரிரு இடங்களில் கன முதல் மிக கன மழை பெய்யும். 

துாத்துக்குடி, ராமநாதபுரம், மதுரை, சிவகங்கை, புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை, கடலுார், அரியலுார், பெரம்பலுார், திருச்சி மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழையும் பெய்யும்.

24 மணி நேர நிலவரம் 

தமிழகம், புதுச்சேரி மற்றும் காரைக்கால் பகுதிகளில், வரும் 22ம் தேதி வரை அதிகபட்ச வெப்ப நிலை, பொதுவாக இயல்பை விட குறைவாக இருக்கும். சென்னை மற்றும் புறநகர் பகுதிகளில், அடுத்த 24 மணி நேரத்திற்கு, ஒரு சில பகுதிகளில், இடி, மின்னலுடன் கூடிய மிதமான மழை பெய்ய வாய்ப்பு இருக்கிறது. 

தென்மேற்கு பருவமழை இன்று அந்தமான் பகுதியில் துவங்குகிறது. வரும் 31ம் தேதி கேரளாவில் துவங்க இருக்கிறது. மேலும், வங்காள விரிகுடாவின் தென்மேற்கு பகுதியில், வரும் 22ம் தேதி குறைந்த காற்றழுத்த தாழ்வு நிலை உருவாகும். இது, வடகிழக்காக நகர்ந்து, 24ம் தேதி ஆழ்ந்த காற்றழுத்த தாழ்வு மண்டலமாக வலுப்பெறும் என்று எதிர்பார்க்கப்படுகிறது.

மீனவர்களுக்கு எச்சரிக்கை 

ஆகையால், இன்று முதல் 22ம் தேதி வரை, குமரிக்கடல் பகுதிகள், மன்னார் வளைகுடா, அதை ஒட்டிய தென் மாவட்ட கடலோரப் பகுதிகள், கேரள, கர்நாடகா கடலோரப் பகுதிகள், லட்சத்தீவு - மாலத்தீவு பகுதிகளில், மணிக்கு 40 முதல் 45 கி.மீ., வேகத்திலும், இடையிடையே 55 கி.மீ., வேகத்திலும் காற்று வீசக்கூடும்.நாளை முதல் 65 கி.மீ., வேகத்தில் காற்று வீசக்கூடும். எனவே, இப்பகுதிகளுக்கு மீனவர்கள் செல்ல வேண்டாம்." இவ்வாறு அதில் கூறப்பட்டுள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

டி20 உலகக் கோப்பை 2024

டாபிக்ஸ்