வகையினம்

தமிழ் செய்திகள் / தமிழ்நாடு / Tamil Top 10 News: 28 மாவட்டங்களில் மழைக்கு வாய்ப்பு முதல் விமானங்களுக்கு வெடிகுண்டு மிரட்டல் வரை - டாப் 10 நியூஸ்

Tamil Top 10 News: 28 மாவட்டங்களில் மழைக்கு வாய்ப்பு முதல் விமானங்களுக்கு வெடிகுண்டு மிரட்டல் வரை - டாப் 10 நியூஸ்

Karthikeyan S HT Tamil Published Oct 31, 2024 06:31 PM IST

எங்களை பின் தொடரலாம்

Karthikeyan S HT Tamil

Published Oct 31, 2024 06:31 PM IST

28 மாவட்டங்களில் மழைக்கு வாய்ப்பு, ரூ.115 கோடிக்கு ஆவின் பொருட்கள் விற்பனை, விமானங்களுக்கு வெடிகுண்டு மிரட்டல் உள்ளிட்ட டாப் 10 செய்திகளை சுருக்கமாக இந்த தொகுப்பில் காணலாம்.

Tamil Top 10 News: 28 மாவட்டங்களில் மழைக்கு வாய்ப்பு முதல் விமானங்களுக்கு வெடிகுண்டு மிரட்டல் வரை - டாப் 10 நியூஸ்

எங்களை பின் தொடரலாம்

தமிழ்நாடு முழுவதும் நிகழ்ந்த முக்கிய நிகழ்வுகள் தொடர்பான செய்திகளை இந்த தொகுப்பில் சுருக்கமாக காணலாம்.

28 மாவட்டங்களில் மழைக்கு வாய்ப்பு

சென்னை, காஞ்சிபுரம், திருவள்ளூர், செங்கல்பட்டு, ராணிப்பேட்டை, வேலூர், திருவண்ணாமலை, திருப்பத்தூர், கிருஷ்ணகிரி, தருமபுரி, சேலம், ஈரோடு, நீலகிரி, கோவை பெரம்பலூர், அரியலூர், திருவாரூர், நாகை, தஞ்சாவூர், திருச்சி, புதுக்கோட்டை, சிவகங்கை, ராமநாதபுரம், தூத்துக்குடி, நெல்லை, கன்னியாகுமரி, தென்காசி, தேனி ஆகிய மாவட்டங்களில் இன்று லேசான மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

ஒருவர் உயிரிழப்பு - போலீஸ் விசாரணை

சென்னை தண்டையார்பேட்டையில் உள்ள பெந்தகோஸ்து சபை கட்டடத்தின் 2வது மாடியில், பிளம்பிங் வேலை செய்து கொண்டிருந்த நபர், ஏணியின் கயிறு அறுந்ததில் கீழே விழுந்து உயிரிழப்பு. வில்லிவாக்கம் பகுதியை சேர்ந்த பிளம்பர் ஆபிரகாம் (60) என்பவரின் சடலத்தைக் கைப்பற்றி பிரேத பரிசோதனைக்கு அனுப்பி வைத்து போலீசார் விசாரணை மேற்கொண்டுள்ளனர்.

82 பேர் காயம்

தமிழ்நாடு முழுவதும் இன்று பிற்பகம் 12 மணி வரை பட்டாசு வெடித்து 82 பேர் காயமடைந்துள்ளதாக தீயணைப்புத்துறை தகவல் தெரிவித்துள்ளது. ஒரே ஒரு தீ விபத்து ஏற்பட்டுள்ளதாகவும், அதில் ரூ.5,000 மதிப்பிலான பொருட்கள் சேதம் அடைந்துள்ளதாகவும் தெரிவித்துள்ளனர்.‌பட்டாசு அல்லாமல் தமிழ்நாடு முழுவதும் 11 இடங்களில் தீ விபத்து ஏற்பட்டுள்ளது.

இனிய தமிழ்நாடு நாள் நல்வாழ்த்துகள்- சீமான்

தமிழ்நாடு என்கின்ற உயிரினும் மேலான நமது தாயக நிலம் இந்திய ஒன்றிய அரசால் தனித்த மொழிவழி மாநிலமாக அங்கீகரிக்கப்பட்ட நாளையே தமிழ்நாடு நாளாக போற்றிக்கொண்டாடிட வேண்டியது ஒவ்வொரு தமிழரின் இனமான கடமையாகும். அனைவருக்கும் இனிய தமிழ்நாடு நாள் நல்வாழ்த்துக்கள் என்று நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

ரூ.115 கோடிக்கு விற்பனை

தீபாவளி பண்டிகையை முன்னிட்டு, சிறப்பு இனிப்பு வகைகள் உட்பட ஆவின் பொருட்கள் தற்போது வரை ரூ.115 கோடிக்கு விற்பனை செய்யப்பட்டுள்ளது. இது, கடந்த ஆண்டை விட ரூ.10 கோடி அதிகம் என்று ஆவின் நிறுவனம் தெரிவித்துள்ளது.

தங்கம், வெள்ளி விலை நிலவரம்

சென்னையில் தங்கம் விலை சவரனுக்கு ரூ.120 உயர்ந்து ரூ.59,640க்கு விற்பனை செய்யப்படுகிறது. தங்கம் விலை கிராமுக்கு ரூ.15 உயர்ந்து ரூ.7,455க்கு விற்பனை செய்யப்படுகிறது. சென்னையில் வெள்ளி விலை மாற்றமின்றி கிராம் ரூ. 109க்கு விற்பனை செய்யப்படுகிறது.

விரைவு ரயில் தடம்புரண்டு விபத்து

டாக்டர் எம்ஜிஆர் சென்னை சென்ட்ரலில் இருந்து போடிநாயக்கனூருக்கு இயக்கப்பட்டு வரும் விரைவு ரயிலின் சக்கரம் மதுரை ரயில் நிலையத்தில் கழன்று விபத்துக்குள்ளானதால் பரபரப்பு ஏற்பட்டது.

முதல்வர் ஸ்டாலின் உத்தரவு

ராமநாதபுரம் மாவட்டம், பரமக்குடியில் மின்சாரம் தாக்கி உயிரிழந்த உதவி ஆய்வாளர் சரவணனின் குடும்பத்தினருக்கு இரங்கல் தெரிவித்துள்ள தமிழக முதல்வர் மு.க.ஸ்டாலின், அவருடைய குடும்பத்தினருக்கு ரூ.25 லட்சம் நிவாரணமாக வழங்க உத்தரவிட்டுள்ளார்.

கனமழைக்கு வாய்ப்பு

சென்னையில் இன்று ஓரிரு இடங்களில் கனமழைக்கு வாய்ப்பு இருப்பதாகவும், நாளை இடி மின்னலுடன் மிதமானது முதல் கனமழை வரை பெய்ய வாய்ப்பு இருப்பதாகவும் சென்னை வானிலை ஆய்வு மையம் தெரிவித்துள்ளது.

விமானங்களுக்கு வெடிகுண்டு மிரட்டல்

சென்னைக்கு வரும் 11 விமானங்களில் வெடிகுண்டு வைக்கப்பட்டுள்ளதாக, சென்னை விமான நிலையத்துக்கு மீண்டும் இமெயில் வந்ததால் பரபரப்புஏற்பட்டது. சென்னை விமான நிலைய இயக்குநர் அலுவலகத்துக்கு வந்த இமெயிலில், சென்னைக்கு வரும் இலங்கை, மும்பை, பெங்களூர், சிலிகுரி, டெல்லி,கொல்கத்தா உள்ளிட்ட 8 ஏர் இந்தியாவிமானங்கள் மற்றும் கோவா, புனே, ஐதராபாத் ஆகிய 3 இண்டிகோ ஏர்லைன்ஸ் விமானங்கள் என மொத்தம்11 விமானங்களில் வெடிகுண்டு வைக்கப்பட்டுள்ளதாக குறிப்பிடப்பட்டிருந்தது.