TVK Protest: வக்ஃபு சட்டத்தால என்ன பாதிப்பு! ஒரு பாயிண்டு சொல்லுங்க!’ புஸ்ஸி ஆனந்தை மடக்கிய ரிப்போட்டர்!

தவெக தலைவர் விஜய்யின் நிலைப்பாட்டை வலியுறுத்திய ஆனந்த், "இஸ்லாமியர்களுக்கு எப்போதும் தமிழக வெற்றிக் கழகமும் தலைவர் அவர்களும் உறுதுணையாக இருப்பார்கள். மேலும் தலைவர் அவர்கள் நேற்று அறிக்கை ஒன்று வெளியிட்டு இருக்கிறார். அதில் முழு விவரம் இருக்கிறது," என்று தெரிவித்தார்.

ஒரு ஷரத்து சொல்லுங்க!

இதனிடையே, செய்தியாளர் ஒருவர், "வக்ஃப் வாரிய திருத்த சட்ட மசோதாவில் எந்த ஷரத்தில் இஸ்லாமியர்களுக்கு எதிராக இருக்கிறது என்று நீங்கள் சொல்லுங்கள்?" என்று கேள்வி எழுப்பினார். அதற்கு பதிலளித்த ஆனந்த், "இஸ்லாமியர்கள் அதுல பாதிக்கப்படுகிறார்கள். அவர்களுக்கு அந்த சட்ட திட்டங்கள் எல்லாம் என்ன என்பது தெரியும். எதற்கு தேவையில்லாமல் அவங்களுடைய சொத்துல; உங்க வீட்டு சொத்து இருக்குது, அதுல இன்னொருத்தவங்க போய் அந்த சொத்துல பங்கு கொள்றோம்; இல்ல, அதுல நாங்க வந்து இருக்கலாம்னு சொல்றது எந்த விதத்துல நியாயம்?" என்று ஆவேசமாக பதிலளித்தார்.

கண்டிப்பாக திரும்ப பெற வேண்டும்

இந்த சட்டத்தை எதிர்க்க நியாமான காரணத்தை சொல்லுங்கள் என பாஜகவினர் கூறுகின்றார்களே? என்ற கேள்விக்கு, "மக்கள் தேர்ந்தெடுத்த அரசு, மக்கள் எந்த விருப்பத்தை சொல்கிறார்களோ அதுபடி தான் இருக்க வேண்டும். அப்படி இருக்கும்போது இஸ்லாமியர்களை பாதிக்கும் விதமான இந்த சட்டத்தை ஒன்றிய அரசு கண்டிப்பாக திரும்பப் பெற வேண்டும்," என்று வலியுறுத்தினார்.