Velmurugan: ’ஆர்.எஸ்.எஸ் பேரணிக்கு அனுமதி தரும் அரசு, கம்யூனிஸ்ட் பேரணிக்கு அனுமதி மறுக்கிறது!’ வேல்முருகன் ஆவேசம்!

தனியார் யூடியூப் சேனல் ஒன்றுக்கு தமிழக வாழ்வுரிமை கட்சித் தலைவரும், எம்.எல்.ஏவுமான தி.வேல்முருகன் நேர்காணல் அளித்தார். அப்போது பேசிய அவர், தமிழக வாழ்வுரிமை கட்சிக்கு தொகுதி வாரியாக ஆயிரம் முதல் ஐந்தாயிரம் வாக்குகள் வரை உள்ளது. கலைஞரிடம் இருந்த திறமை, இனி தமிழ்நாட்டில் யாருக்கும் இருக்காது. ஆனால், ஈழப்படுகொலை விவகாரத்தில் எனக்கு மாற்றுக் கருத்து உள்ளது. கலைஞருடன் எந்த நேரத்திலும் பேசலாம் என்ற நிலை இருந்தது. மாவட்டத்திற்கு ஒரு பொறியியல் கல்லூரி வேண்டும் என்ற கருத்தை ஏற்றுக் கொண்டு முதல் பொறியியல் கல்லூரியை கலைஞர்தான் அடிக்கல்நாட்டி எனது தொகுதியில் தொடங்கி வைத்தார். மாவட்டத்திற்கு ஒரு மருத்துவக் கல்லூரி இருக்க வேண்டும் என்ற கோரிக்கையும் நான் விடுத்தேன்.

குடும்ப அரசியல் இல்லாத அரசியல் வேண்டும்!

தளபதி ஸ்டாலின் ஆட்சியில், தமிழருக்கான சட்டம் நிறைவேறி உள்ளது. தொழிலார் நேர வரையறை குறித்த சட்டம் வரும் போது, அவரிடம் கோரிக்கை விடுத்தேன். உடனே அதை அரசு ரத்து செய்தது. கேபினட் அமைச்சர் பதவிக்கு நிகரான தமிழ்நாடு அரசு உறுதி மொழிக் குழுவின் தலைவர் பதவியை, முதலமைச்சர் மு.க.ஸ்டாலின் தந்து உள்ளார். லஞ்சம், குடும்ப வாரிசுகள் இல்லாமல் உண்மையாக ஒரு அரசியலை கட்டமைக்க வேண்டும்.