’அதிமுக கூட்டணியில் விசிகவுக்கு துணை முதல்வர் பதவியை தர தயாராக இருந்தது’ உடைத்து பேசிய திருமா! நடந்தது என்ன?
Published Apr 27, 2025 02:10 PM IST
”அதிமுக நமக்கு பல தொகுதிகளை தர தயாராக உள்ளது. கூட்டணி அரசுக்கும், ஆட்சிக்கும் உடன்பட தயாராக உள்ளது. போனால் துணை முதலமைச்சர் வரையில் போகலாம். கூடுதலாக 3 அல்லது 4 அமைச்சர்கள் பதவியையும் பெறலாம் என்று ஆசை காட்டிய சிலரும் உண்டு”
’அதிமுக கூட்டணியில் விசிகவுக்கு துணை முதல்வர் பதவியை தர தயாராக இருந்தது’ உடைத்து பேசிய திருமா! நடந்தது என்ன?
அதிமுக கூட்டணியில் இடம்பெற்றால் விசிகவுக்கு துணை முதலமைச்சர் பதவியை தர தயாராக இருந்ததாக விடுதலை சிறுத்தைகள் கட்சித் தலைவர் திருமாவளவன் தெரிவித்து உள்ளார்.
விடுதலை சிறுத்தைகள் கட்சியின் தலைவர் தொல். திருமாவளவன், திமுக கூட்டணியில் தொடர்ந்து பயணிப்பதில் உறுதியாக இருப்பதாகவும், பாஜக மற்றும் அதிமுகவுடன் கூட்டணி அமைக்க வாய்ப்பே இல்லை எனவும் திட்டவட்டமாக தெரிவித்துள்ளார். இது தொடர்பாக அவர் பேசிய கருத்துகள் அரசியல் வட்டாரத்தில் கவனம் பெற்றுள்ளன.