மும்மொழிக் கொள்கை: ’கல்வியை அரசியலாக்க வேண்டாம்’ முதலமைச்சர் மு.க.ஸ்டாலினுக்கு தர்மேந்திர பிரதான் கடிதம்!

மேலும் படிக்க:- இன்றைய தங்கம் விலை நிலவரம்: சரிவை சந்தித்த தங்கம்! சவரன் எவ்வளவு தெரியுமா?

முதலமைச்சர் சிந்திக்க வேண்டும் 

சமூக மற்றும் கல்வி முன்னேற்றத்தின் ஒளியாக தமிழ்நாடு எப்போதும் திகழ்கிறது. இந்தியாவில் மாற்றங்கள் மற்றும் சீர்த்திருங்கள் ஏற்பட முன்னோடி மாநிலமாக தமிழ்நாடு உள்ளது. நவீன கல்வியை வடிவமைத்து, விளிம்பு நிலை சமூகங்களை உயர்த்தி அனைவரையும் உள்ளடக்கிய கல்வி கற்றல் சூழலை தமிழ்நாடு வளர்த்ததில் முன்னணியில் திகழ்கிறது. அரசியல் வேறுபாடுகளுக்கு அப்பாற்பட்டு, புதிய தேசிய கல்விக் கொள்கையால் பயனடையும் இளம் மாணவர்களின் நலன்கள் குறித்து தமிழக முதல்வர் சிந்திக்க வேண்டும் என்று பிரதான் கூறியுள்ளார்.

மேலும் படிக்க:- ’Get Out Modi-க்கு போட்டியாக ட்ரண்ட் ஆகும் Get Out Stalin ஹேஷ்டேக்!’ அமைச்சர் சேகர்பாபு சொன்ன பதில்!

வாய்ப்புகளையும் வளங்களையும் இழக்கின்றன

அரசியல் காரணங்களுக்காக தேசிய கல்விக் கொள்கைக்கு தமிழ்நாடு அரசு தொடர்ந்து எதிர்ப்பு தெரிவிப்பதால், தமிழ்நாட்டில் உள்ள மாணவர்கள், ஆசிரியர்கள், கல்வி நிறுவனங்களுக்கு இந்த கொள்கை மூலம் கிடைக்கும் மகத்தான வாய்ப்புகளையும் வளங்களையும் இழக்கின்றன. இந்த கொள்கை நெகிழ்வானதாக வடிவமைக்கப்பட்டுள்ளது, மாநிலங்கள் தங்கள் தனித்துவமான கல்வித் தேவைகளுக்கு ஏற்ப அதன் செயல்படுத்தலைத் தனிப்பயனாக்க அனுமதிக்கிறது.

மாணவர்கள் நலனை கருத்தில் கொள்க

"மேலும், சமக்ர சிக்ஷா போன்ற மத்திய ஆதரவு திட்டங்கள் தேசிய கல்விக் கொள்கை 2020 உடன் இணைக்கப்பட்டுள்ளன. மேலும், பிஎம் எஸ்ஆர்ஐ பள்ளிகள் தேசிய கல்விக் கொள்கையின் முன்மாதிரியான பள்ளிகளாக கருதப்பட்டுள்ளன என தெரிவித்து உள்ளார். மும்மொழி திட்டம் எந்தவொரு மொழியையும் திணிப்பதை கொள்கை பரிந்துரைக்கவில்லை பாஜக அல்லாத பல மாநிலங்கள் அரசியல் வேறுபாடுகள் இருந்தபோதிலும் புதிய கல்விக் கொள்கையின் முற்போக்கான கொள்கைகளை அமல்படுத்தி உள்ளன. எனவே, அரசியல் வேறுபாடுகளுக்கு அப்பாற்பட்டு, நமது இளம் மாணவர்களின் நலனை மனதில் கொண்டு இந்த விஷயத்தை முழுமையாக ஆராயுமாறு கேட்டுக்கொள்கிறேன் என தர்மேந்திர பிரதான் தெரிவித்து உள்ளார்.

மேலும் படிக்க:- உலகத் தாய் மொழிநாள்: மு.க.ஸ்டாலின் முதல் அண்ணாமலை வரை! வாழ்த்து செய்தியில் சொல்வது என்ன?