Anna's Achievements: முறியடிக்க முடியாத பேரறிஞர் அண்ணாவின் முப்பெரும் சாதனைகள்!முதலமைச்சராக அப்படி என்ன செய்தார் அண்ணா ?

மெட்ராஸ் என்று தொடர்வதில் தவறில்லை என்றாலும் தமிழ்நாடு என்ற பெயர் தரும் உணர்வுக்காக தனித்தன்மைக்காக அந்த வார்த்தையில் உள்ள தொன்மைக்காக பெயர் மாற்றக் கோறுகிறோம்.

பிள்ளைக்குத் தாய் பெயர் சூட்டும் நிகழ்வுகளை நாளும் நாம் பார்க்கலாம். ஆனால், தாய்க்கு ஒரு பிள்ளை பெயர் சூட்டுகிற பெருமையை பேரறிஞர் அண்ணா பெற்றார். இந்த மாநிலத்திற்கு ' தமிழ்நாடு ' என்று பெயர் சூட்டி சங்கரலிங்கனார் போன்ற தியாகிகளின் கனவுகளுக்கு உயிர் கொடுத்தார்.

2. சுயமரியாதை திருமணங்களுக்கு சட்ட அங்கீகாரம்

சுயமரியா திருமணத்தை சட்டப்படி செல்லத்தக்கதாக சட்டம் கொண்டுவரப்பட்டு ஏற்கனவே நடத்தி வைக்கப்பட்ட திருமணங்களுக்கும் இது பொருந்தும் என்று இயக்கி தந்தை பெரியார் அவர்கள் நீண்ட நாட்களாக எதிர் பார்த்துக் கொண்டிருந்ததை நாங்கள் வந்து செய்யும் வாய்ப்பு கிடைத்தமைக்காக பெருமகிழ்ச்சி அடைகிறேன். நெடுந் தொலைவு பிரிந்து சென்றிருந்த மகன் - தந்தை மிகப் பிடித்தமான பொருளை கொண்டு வந்து கொடுப்பதைப் போல நாங்கள் தந்தை பெரியார் அவர்களிடம் இக்கனியை (சட்டத்தை) சமர்ப்பிக்கிறோம்.

3. இருமொழிக் கொள்கை

தமிழ்நாட்டிற்கு இந்தி தேவையில்லை எனக்கூறி சட்டமன்றத்தில் இந்தி ஒழிப்புத் தீர்மானத்தை கொண்டு வந்து அதை நிறைவேற்றினோம்.

ஆங்கிலம் என்பது அறிவியல் மொழி. இராஜாஜி கூறியதைப் போல் அது உலகத்தின் சாளரமாகும். அறிவியலும், தொழில்நுட்பத்தையும் அறிந்துகொள்ள ஆங்கிலம் போதும்.

எனவே, ஒவ்வொருவருடைய தாய் மொழியும், ஆங்கிலமும் போதும். பிற மாநில, மத்திய அரசுடன் தொடர்பிற்கு ஆங்கிலமே வேண்டும் என்பது அண்ணாவின் அறுதியிட்ட மொழிக்கொள்கை ஆகும்.