தலைப்பு செய்திகள்: ’சித்ரா பௌர்ணமி முதல் நாதகவுக்கு சின்னம் ஒதுக்கீடு வரை!’ இன்றைய முக்கிய செய்திகள்!

3.திருவண்ணாமலையில் பாதுகாப்பு நடவடிக்கைகள்

சித்ரா பௌர்ணமியையொட்டி திருவண்ணாமலையில் முக்கிய இடங்களில் வெடிகொண்டு நிபுணர்கள் குழு தீவிர சோதனை.  மாட வீதிகளில் இருசக்கர வாகனங்கள், கார், ஆட்டோக்கள் செல்ல மூன்று நாட்கள் தடைவிதிப்பு. 

மேலும் படிக்க:- ’நாம் தமிழர் கட்சிக்கு தேர்தல் ஆணையம் விவசாயி சின்னம் ஒதுக்கீடு!’

4.ஹஜ் பயண மானியம்

முதல் முறையாக ஹஜ் பயணம் மேற்கொள்ளும் இஸ்லாமியர்களுக்கு 25,000 ரூபாய் மானியம். 5650 பேருக்கு வழங்கிடும் அடையாளமாக 10 பேருக்கு முதல்வர் ஸ்டாலின் மானியம் வழங்கினார்.

5.நாம் தமிழர் கட்சிக்கு சின்னம்

மாநில கட்சியாக அங்கீகரிக்கப்பட்ட நாம் தமிழர் கட்சிக்கு விவசாயி சின்னம் தேர்தல் ஆணையத்தின் மூலம் ஒதுக்கீடு செய்யப்பட்டு உள்ளதாக அக்கட்சியின் ஒருங்கிணைப்பாளர் சீமான் அறிவிப்பு. 

6.தமிழக மாணவர்களின் கற்றல் ஆய்வு

தமிழக மாணவர்களிடம் கற்றலில் இருக்கும் இடைவெளிகளை கண்டறிவது மற்றும் மாநில அளவிலான ஆய்வு அறிக்கை முதலமைச்சர் ஸ்டாலினிடம் அறிக்கை சமர்ப்பிக்கப்பட்டு உள்ளது. 

7.மதுரை ரயில் நிலையத்தில் வழிப்பறி

மதுரை ரயில் நிலையத்தில் கத்தியை காட்டி வழிப்பறியில் ஈடுபட்ட இருவர் கைது. செல்போன், நகை உள்ளிட்டவற்றை பறிமுதல் செய்து சிறையில் தள்ளியது போலீஸ்.

மேலும் படிக்க:- ’தென்மேற்கு பருவமழை வரும் மே 13ஆம் தேதி முதல் தொடங்க வாய்ப்பு!’ 6 மாவட்டங்களில் மழை எச்சரிக்கை!

8.மதுரை கள்ளழகர் விழா

ஸ்ரீவில்லிபுத்தூர் ஆண்டாள் கோவிலில் சிறப்பு வழிபாடு நடைபெற்றது. ஆண்டாள் சூடி கொடுத்த மலர்மாலை மற்றும் கிளி பட்டு வஸ்திரம் மதுரை கள்ளழகருக்கு அனுப்பி வைக்கப்பட்டது. வைகை ஆற்றில் கள்ளழகர் எழுந்தருளும் வைபவத்திற்காக மூன்றடுக்கு தடுப்பு வேலி அமைக்கப்பட்டு, பக்தர்களின் பாதுகாப்பிற்காக வைகை வீரன் புகார் செயலி அறிமுகப்படுத்தப்பட்டது. கள்ளர் வேடமிட்டு, கண்டாங்கி பட்டு உடுத்தி, கையில் தடியுடன் புறப்பட்ட கள்ளழகரை காண பக்தர்கள் குவிந்தனர்.

9.சென்னையில் போதை மாத்திரைகள் பறிமுதல்

சென்னை அபிராமபுரத்தில் போதைக்காக வலி நிவாரண மாத்திரைகள் வைத்திருந்த இருவர் கைது செய்யப்பட்டனர். 270 மாத்திரைகள் மற்றும் ஒரு இருசக்கர வாகனம் பறிமுதல் செய்யப்பட்டு, காவல்துறை விசாரணை நடத்தி வருகிறது.

10.உதகையில் நாய்கள் மற்றும் ரோஜா கண்காட்சி

உதகையில் நடைபெற்ற தேசிய அளவிலான நாய்கள் கண்காட்சியில் ராஜபாளையம் உள்ளிட்ட 55 ரகங்களைச் சேர்ந்த 450 நாய்கள் காட்சிப்படுத்தப்பட்டன. மேலும், உதகை அரசு பூங்காவில் 20வது ரோஜா கண்காட்சி தொடங்கியது. மலர்களால் வடிவமைக்கப்பட்ட கடல்வாழ் உயிரினங்களின் உருவங்கள் பார்வையாளர்களை கவர்ந்தன.

மேலும் படிக்க:- கேம்பிரிட்ஜ் பல்கலைக்கழகத்தில் திராவிட இயக்க ஆய்வு! 11 கோடி ரூபாய் கொட்டி கொடுத்த சபரீசன்!