Gold Rate: உலக வரலாற்றில் முதன் முறையாக 70 ஆயிரத்தை தொட்ட தங்கம் விலை! வரலாற்றில் புதிய உச்சம்!
Gold Rate Today: சென்னையில் ஆபரணத் தங்கத்தின் விலை இன்று உயர்ந்து உள்ளது. தங்கம் மற்றும் வெள்ளியின் இன்றைய (ஏப்ரல் 12) விலை நிலவரம் குறித்து பார்ப்போம்.
Gold Rate Today 12.04.2025: சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை தினம்தோறும் நிர்ணயம் செய்யப்படுகிறது. இந்தச் சூழலில் அமெரிக்க அதிபராக டிரம்ப் பதவியேற்ற நிலையில் பங்குச் சந்தைகளில் திடீர் சரிவு ஏற்பட்டது. இதைத்தொடர்ந்து முதலீட்டாளர்கள் பாதுகாப்பு கருதி தங்கத்தில் அதிக முதலீடு செய்யத் தொடங்கியுள்ளனர். இதன் எதிரொலியாக இந்திய பங்குச்சந்தை கடந்த சில நாட்களாக சரிவை சந்தித்து வரும் நிலையில், அதன் பாதிப்பு தங்கம் விலையிலும் தாக்கத்தை ஏற்படுத்தி வருகிறது.
இன்றைய தங்கம் விலை நிலவரம்
சென்னையில் 22 கேரட் ஆபரணத் தங்கத்தின் விலை இன்று (ஏப்ரல் 12) ஒரு சவரன் ரூ.200 உயர்ந்து ரூ.70,160 விற்பனை செய்யப்படுகிறது. ஒரு கிராம் தங்கத்தின் விலை கிராமுக்கு ரூ.25 உயர்ந்து ரூ.8,770-க்கு விற்பனையாகிறது.
நேற்றைய தங்கம் விலை நிலவரம்
சென்னையில் 22 கேரட் ஆபரணத் தங்கத்தின் விலை நேற்று (ஏப்ரல் 11) ஒரு சவரன் ரூ.69,960-க்கு விற்பனை செய்யப்பட்டது. ஒரு கிராம் ஆபரணத் தங்கத்தின் விலை ரூ.8,745-க்கு விற்பனை செய்யப்பட்டது.