’இந்திய ராணுவத்திற்கு எதிராக தவறான கருத்து பதிவிடுவதை ஏற்க முடியாது’ திருமாவளவன் திட்டவட்டம்!
Published May 10, 2025 04:16 PM IST
”இத்தகைய பதட்டமான சூழலில், விமர்சனம் என்ற பெயரில் எதிர்கருத்துகளை யாரும் பதிவு செய்யக் கூடாது. அப்படி பதிவு செய்திருந்தால் அது தவறு,”
’இந்திய ராணுவத்திற்கு எதிராக தவறான கருத்து பதிவிடுவதை ஏற்க முடியாது’ திருமாவளவன் திட்டவட்டம்!
இந்திய ராணுவத்திற்கு எதிராக தவறான கருத்துகளை பதிவிடுவது ஏற்கத்தக்கது அல்ல என விசிக தலைவர் திருமாவளவன் தெரிவித்து உள்ளார்.
இந்திய ராணுவத்தின் சமீபத்திய நடவடிக்கைகளை விடுதலை சிறுத்தைகள் கட்சித் தலைவர் திருமாவளவன் முழுமையாக வரவேற்று ஆதரவு தெரிவித்துள்ளார். செய்தியாளர் சந்திப்பில் பேசிய அவர், பயங்கரவாதத்திற்கு எதிரான இந்த நடவடிக்கையை அனைத்து ஜனநாயக சக்திகளும் ஆதரிக்க வேண்டும் என்று கூறினார். அதேவேளையில், இது இந்தியா-பாகிஸ்தான் இடையேயான போராக மாறிவிடக் கூடாது என்று வேண்டுகோள் விடுத்தார்.