பொதுப்பணித் துறைக்கு ரூ.2.38 கோடி மதிப்பில் வாகனங்களை வழங்கிய முதல்வர்
பொதுப்பணித் துறைக்கு ரூ.2.38 கோடி மதிப்பில் 29 வாகனங்களை முதல்வர் ஸ்டாலின் வழங்கினார்.
சென்னை : பொதுப்பணித் துறையின் தலைமைக் கட்டடக் கலைஞர் மற்றும் பொறியாளர்களின் பயன்பாட்டிற்காக ரூ.2.38 கோடி மதிப்பிலான, 7 சீருந்துகள் மற்றும் 22 ஈப்புகள் - தமிழ்நாடு முதல்வர் மு.க.ஸ்டாலின் வழங்கினார்.
முதல்வர் மு.க.ஸ்டாலின் இன்று (4.5.2022) தலைமைச் செயலகத்தில், பொதுப்பணித் துறையின் தலைமைக் கட்டடக் கலைஞர். கண்காணிப்புப் பொறியாளர்கள் மற்றும் செயற்பொறியாளர்கள் பயன்பாட்டிற்காக 2 கோடியே 38 இலட்சம் ரூபாய் மதிப்பிலான 7 புதிய சீருந்துகள் மற்றும் 22 புதிய ஈப்புகளை வழங்கிடும் அடையாளமாக 5 வாகனங்களை வழங்கினார்.
2021-2022 ஆம் ஆண்டிற்கான பொதுப்பணித் துறை மானியக் கோரிக்கையில், தலைமைக் கட்டடக் கலைஞர், கண்காணிப்புப் பொறியாளர்கள், செயற்பொறியாளர்களுக்கு பழைய வாகனங்களுக்கு பதிலாக புதிய சீருந்துகள் மற்றும் ஈப்புகள் வழங்க நடவடிக்கை மேற்கொள்ளப்படும் என அறிவிக்கப்பட்டது.