1000 கோடி டாஸ்மாக் முறைகேடு: ED ரெய்டு எதிரொலி! தொழிலதிபர் ரதீஷ் ஓட்டம்? வீட்டுக்கு பூட்டு போட்ட அதிகாரிகள்!

ரதீஷின் வீட்டில் அமலாக்கத் துறை சோதனை

டாஸ்மாக் மேலாண் இயக்குனர் விசாகனின் செல்போன் தொடர்புகள் அடிப்படையில், தொழிலதிபர் ரதீஷை விசாரணைக்காக அமலாக்கத் துறை தேடி வருகிறது. சென்னை எம்ஆர்சி நகரில் உள்ள ஜிபிராஸ் அடுக்குமாடி குடியிருப்பில் அமைந்துள்ள அவரது வீட்டிற்கு நேற்று அதிகாரிகள் சென்றனர். ஆனால், ரதீஷ் அங்கு இல்லாத நிலையில், வீடு திறந்தே இருந்தது. சோதனை முடிந்த பின்னர், நேற்று இரவு 10 மணியளவில் அமலாக்கத் துறை அதிகாரிகள் வீட்டைப் பூட்டி, சாவியை நீதிமன்றத்தில் ஒப்படைப்பதற்காக எடுத்துச் சென்றுள்ளனர்.

மேலும் படிக்க:- 'வெறும் 6 மாதத்தில்…! 450 கோடி! 4 படங்கள்! இட்லி கடை தயாரிப்பாளர் வீட்டில் ED ரெய்டு! யார் இந்த ஆகாஷ் பாஸ்கரன்!

ரதீஷின் தலைமறைவு

நேற்று பகல் முழுவதும் ரதீஷின் வீட்டில் பராமரிப்பு பணியில் ஈடுபட்டிருந்த ஊழியர்களிடம் அமலாக்கத் துறை விசாரணை மேற்கொண்டது. விசாரணையில், ரதீஷ் சோதனைக்கு முன்பு வரை வீட்டில் இருந்ததாகவும், அதன் பின்னர் புறப்பட்டுச் சென்றதாகவும் தெரியவந்துள்ளது. சோதனை நடைபெறுவது அவருக்கு முன்கூட்டியே தெரிந்திருக்கலாம் என்ற சந்தேகத்தையும் அமலாக்கத் துறை முன்வைத்து, மேலும் விசாரணையில் இறங்கியுள்ளது. சோதனையில் முக்கிய ஆவணங்கள் எதுவும் கிடைக்கவில்லை எனவும் அதிகாரிகள் தெரிவித்துள்ளனர்.

அமலாக்கத் துறையின் அடுத்தகட்ட நடவடிக்கை

அமலாக்கத் துறையின் வழக்கமான நடைமுறைப்படி, ஆள் இல்லாத வீட்டில் சோதனை நடத்திய பின்னர், வீட்டைப் பூட்டி சாவியை நீதிமன்றத்தில் ஒப்படைப்பது வழக்கம். அதன்படி, ரதீஷின் வீட்டிற்கு பூட்டு போடப்பட்டு, சாவி நீதிமன்றத்தில் ஒப்படைக்கப்பட உள்ளது. ரதீஷ் விசாரணைக்கு ஆஜரானால், மீண்டும் அவரது வீட்டில் சோதனை நடத்தப்படலாம் அல்லது சாவி அவரிடம் ஒப்படைக்கப்படலாம். அவருக்கு சம்மன் அனுப்பி, அவரது இருப்பிடம் குறித்து விசாரிக்கவும் அமலாக்கத் துறை திட்டமிட்டுள்ளது. மேலும், ரதீஷுக்கு வேறு வீடு அல்லது அலுவலகம் இருக்கிறதா என்பது குறித்தும் விசாரணை தொடர்கிறது.

வழக்கின் பின்னணி

டாஸ்மாக் மேலாண் இயக்குனர் விசாகனுடன் நேரடியாக தொடர்பில் இருந்த நபர்களை அமலாக்கத் துறை விசாரித்து வருகிறது. ரதீஷ், விசாகனுடன் தொழில் ரீதியாகவும், பரிவர்த்தனைகள் மூலமும் தொடர்புடையவர் என சந்தேகிக்கப்படுகிறார். இதனால், அவரை விசாரிக்க வேண்டிய முக்கிய நபராக அமலாக்கத் துறை கருதுகிறது.

மேலும் படிக்க:- நாச்சியப்பன் பாத்திரக்கடை: ’ஏழை மற்றும் எளிய மாணவர்களின் கல்வி கட்டணத்தை செலுத்தாத திமுக’ விளாசும் எடப்பாடி பழனிசாமி!