Tanjore Balasaraswati Memorial: கலைநயத்துடன் ஆடிய காலம்போற்றும் பரதநாட்டிய கலைஞர் பாலசரஸ்வதியின் நினைவு நாள் இன்று

பாலசரஸ்வதி, தனது மூன்று வயதிலேயே இவர்களது குடும்ப நண்பரும், பிரபலமான பரதநாட்டியக் கலைஞருமான மயிலாப்பூர் கௌரி அம்மாளிடம் நடனம் கற்க ஆரம்பித்தார். கந்தப்பா நட்டுவனாரும் அவர்கள் பேணிவந்த நடனக்கலை மரபிலேயே அக்கலையை பாலசரஸ்வதிக்குப் கற்பித்தார்.

ஏழாம் வயதில் பாலசரஸ்வதியின் நடன அரங்கேற்றம் காஞ்சி காமாட்சியம்மன் கோவிலில் நடைபெற்றது. ஐரோப்பா, கிழக்காசியா, வட அமேரிக்கா உள்ளிட்ட பகுதிகளில் பரத நாட்டியத்தை அரங்கேற்றினார். பாலசரஸ்வதி வரலாற்றை ‘பாலசரஸ்வதி: அவர் கலையும் வாழ்வும்’ என்ற நூலை டக்ளஸ் எம். நைட் ஆங்கிலத்தில் எழுதியுள்ளார். அரவிந்தன் மொழிபெயர்ப்பில் இந்நூல் தமிழிலும் 2017ஆம் ஆண்டு வெளிவந்திருக்கிறது.

வெஸ்லின் பல்கலைக்கழகம், கலிபோர்னியா பல்கலைக் கழகக் கல்லூரி, வாசிங்டன் பல்கலைக்கழகம் போன்ற புகழ்பெற்ற பல்கலைக் கழகங்களில் நடன நிகழ்ச்சிகளில் கலந்துகொண்ட ஒரே இந்தியப் பெண் இவர்தான். அன்னா கிசல் காஃப் என்னும் நடன விமர்சகர் இவரை உலகின் மிகச் சிறந்த நடனக் கலைஞர் என பாராட்டியுள்ளார். அமெரிக்காவின் ஈடிணையற்ற நடன பொக்கிஷங்கள்: முதல் நூறு பேர்’ என்ற புகழ்பெற்ற பட்டியலில் சேர்க்கப்பட்ட மேற்குலகைச் சேராத ஒரே கலைஞர் பாலசரஸ்வதிதான்.

சங்கீத நாடக அகாடமியின் குடியரசுத் தலைவர் விருது (1955), சிறந்த தேசிய சேவைக்காக இந்திய அரசாங்கத்திடமிருந்து பத்ம விபூஷன் (1977) மற்றும் மெட்ராஸ் மியூசிக் அகாடமியின் சங்கீதா கலாநிதி உட்பட பல விருதுகளைப் பெற்றார். 

இசைக்கலைஞர்களுக்கான தென்னிந்தியாவின் மிக உயர்ந்த விருது (1973) வென்றுள்ளார். 1977 ஆம் ஆண்டு ஒரு மதிப்பாய்வில், நியூயார்க் டைம்ஸ் நடன விமர்சகர் அன்னா கிஸ்ஸல்காஃப் அவரை "உலகின் மிக உயர்ந்த கலைஞர்களில் ஒருவர்" என்று விவரித்தார். இந்தியாவின் தலைவிதியை வடிவமைத்த 100 முக்கிய இந்தியர்களில் ஒருவர். "அமெரிக்காவின் ஈடுசெய்ய முடியாத நடனப் பொக்கிஷங்கள்: முதல் 100" (2000) என்ற நடன பாரம்பரியக் கூட்டணியின் தொகுப்பில் சேர்க்கப்பட்டுள்ள ஒரே தென்னிந்திய நடனக் கலைஞர் இவர் மட்டுமே. 

மாபெரும் நடனக் கலைஞரின் நினைவு நாளில் அவரை போற்றுவோம்!