அமைச்சர் பொறுப்பு மாற்றப்பட்ட சில மணி நேரத்தில் உடல்நலக்குறைவு.. துரைமுருகன் அப்போலோ மருத்துவமனையில் அனுமதி!
Published May 08, 2025 03:22 PM IST
அமைச்சரவையில் இலாகா மாற்றப்பட்ட சிறிது நேரத்தில் திமுகவின் மூத்த அமைச்சர் துரைமுருகன் சென்னை அப்போலோ மருத்துவமனையில் அனுமதிக்கப்பட்டுள்ளார்.
திடீர் உடல்நலக்குறைவு.. அமைச்சர் துரைமுருகன் அப்போலோ மருத்துவமனையில் அனுமதி!
தமிழக மூத்த அமைச்சரும், திமுக துணைப் பொதுச் செயலாளருமான துரைமுருகன் சென்னை கிரீம்ஸ் சாலையில் உள்ள அப்போலோ மருத்துவமனையில் அனுமதிக்கப்பட்டுள்ளார். சளி பிரச்சினை காரணமாக அவர் மருத்துவமனையில் சிகிச்சைக்காக அனுமதிக்கப்பட்டிருப்பதாக தகவல் வெளியாகியுள்ளது. தற்போது துரைமுருகனின் உடல் நிலை சீராக இருப்பதாகவும், தொடர்ந்து மருத்துவர்கள் கண்காணிப்பில் இருப்பதாகவும் கூறப்படுகிறது. இதையடுத்து துரைமுருகன் இன்று அல்லது நாளை டிஸ்சார்ஜ் செய்யப்படலாம் எனவும் தகவல்கள் தெரிவிக்கின்றன.
அமைச்சரவையில் இலாகா மாற்றப்பட்ட நிலையில் அமைச்சர் துரைமுருகன் மருத்துவமனையில் அனுமதிக்கப்பட்டிருப்பது பரபரப்பை ஏற்படுத்தி உள்ளது.