’பாஜக உடன் கூட்டணி இல்லை என்று விஜய் இன்னும் அதிகாரப்பூர்வமாக சொல்லவில்லை’ தமிழிசை

கூட்டணி முடிவுகளை தலைமை எடுக்கும்

கூட்டணி பேச்சுவார்த்தைகள் குறித்து பாஜகவின் அகில இந்திய தலைவர்களே முடிவு செய்வார்கள் என்று தமிழிசை விளக்கினார். தற்போதைய சூழலில், அனைவரும் ஒன்றிணைந்து செயல்பட வேண்டிய தேவை இருப்பதாகவும், திமுக ஆட்சியை அகற்றுவதற்கு ஒத்த கருத்துடையவர்கள் ஒன்று சேர்ந்தால் நல்லது என்றும் அவர் தனது தனிப்பட்ட கருத்தாகத் தெரிவித்தார்.

மேலும் படிக்க:- ‘தரங்கெட்ட தறுதலை மொழியில் பாஜகவின் வாட்சப் யூனிவர்சிட்டி தகவல்களை வாந்தி எடுப்பதா!’ ஈபிஎஸை விளாசும் ஆர்.எஸ்.பாரதி!

திமுக ஆட்சியை அகற்ற வேண்டும்

திமுக ஆட்சியை அப்புறப்படுத்த வேண்டியது அவசியம் என்று வலியுறுத்திய தமிழிசை, அதற்காக ஒரே கொள்கையைப் பின்பற்றுபவர்கள் ஒன்றிணைவது பயனளிக்கும் என்று கூறினார். இருப்பினும், கூட்டணி தொடர்பான இறுதி முடிவுகளை பாஜக தலைமை மட்டுமே எடுக்கும் என்று மீண்டும் உறுதிப்படுத்தினார்.

நிர்மல் குமார் சொன்னது என்ன?

கடந்த மே 15ஆம் தேதி செய்தியாளர்களை சந்தித்த தவெக துணைப்பொதுச்செயலாளர் சிடிஆர். நிர்மல்குமார். பாஜக உடன் தவெக கூட்டணி அமைக்க உள்ளதாக வெளியான செய்திகள் வதந்தி என தெரிவித்து இருந்தார். பாஜகவுடன் கூட்டணி அமைப்பது குறித்து எழுந்த கேள்விகளுக்கு, சிடிஆர் நிர்மல் குமார் தெளிவாக மறுப்பு தெரிவித்தார். "எங்களது கொள்கைகளுக்கு எதிரானவர்களுடன் ஒருபோதும் கூட்டணி வைக்க மாட்டோம். பாஜகவுடன் கூட்டணி இல்லை என்பதில் 100% உறுதியாக இருக்கிறோம்," என்று நிர்மல் குமார் திட்டவட்டமாக கூறினார். கூட்டணி தொடர்பான முடிவுகளை தவெக தலைவர் விஜய் பொருத்தமான நேரத்தில் அறிவிப்பார் என்றும் அவர் தெரிவித்தார்.

மேலும் படிக்க:- ’நீட் தேர்வு முடிவுகளை வெளியிடத் தடை!’ சென்னை உயர்நீதிமன்றம் அதிரடி உத்தரவு!