‘அமித்ஷா உடன் சந்திப்பு.. டெல்லி பறக்கும் அண்ணாமலை..’ இபிஎஸ் நிபந்தனை குறித்து ஆலோசனை?
Published Mar 26, 2025 09:05 PM IST
எடப்பாடி பழனிசாமி வைத்த நிபந்தனைகளின் அடிப்படையில், அண்ணாமலையுடன் ஆலோசனை நடத்தலாம் என எதிர்பார்க்கப்படுகிறது.
‘அமித்ஷா உடன் சந்திப்பு.. டெல்லி பறக்கும் அண்ணாமலை..’ இபிஎஸ் நிபந்தனை குறித்து ஆலோசனை? (K Annamalai-X)
மார்ச் 25 ம் தேதி அதிமுக பொதுச் செயலாளரும், முன்னாள் முதல்வருமான எடப்பாடி பழனிசாமி, மத்திய உள்துறை அமைச்சர் அமித்ஷாவை சந்தித்த நிலையில், மார்ச் 27 ம் தேதியான நாளை, அமித்ஷாவை சந்திக்க தமிழக பாஜக தலைவர் அண்ணாமலை டெல்லி செல்லவிருப்பதாக தகவல் வெளியாகியுள்ளது.
மார்ச் 25 ம் தேதி திடீரென டெல்லி சென்ற, அதிமுக பொதுச் செயலாளர் எடப்பாடி பழனிசாமி, அன்று இரவு, மத்திய உள்துறை அமைச்சர் அமித்ஷாவை, அவருடைய இல்லத்தில் சந்தித்தார். சுமார் இரண்டு மணி நேரம் நடந்த அந்த சந்திப்பில், மீண்டும் அதிமுக-பாஜக கூட்டணி குறித்து விவாதிக்கப்பட்டதாக கூறப்படுகிறது.