Governor vs TN Govt: உச்சநீதிமன்ற தீர்ப்பு எதிரொலி! ஆளுநர் ஒப்புதலின்றி 10 மசோதக்கள் நிறைவேறியாதாக தமிழக அரசு அறிவிப்பு!
ஒரு மாநில அரசு அம்மாநில ஆளுநரின் ஒப்புதலுக்கு பதிலாக உச்சநீதிமன்ற உத்தரவின் அடிப்படையில் மசோதாக்களை சட்டமாக்குவது இந்திய வரலாற்றில் இதுவே முதல்முறையாகும்.
ஆளுநருக்கு எதிரான வழக்கில் உச்ச நீதிமன்றம் அளித்த தீர்ப்பு வெளியானதை அடுத்து, தமிழ்நாடு அரசிதழில் 10 மசோதாக்களும் சட்டமானதாக அறிவிக்கப்பட்டு உள்ளது.
வரலாற்றில் இதுவே முதல் முறை
உச்சநீதிமன்றம் இந்த வழக்கின் முழுத் தீர்ப்பை நேற்றிரவு பதிவேற்றியதை தொடர்ந்து தமிழ்நாடு அரசு அம்மசோதாக்களை அனுப்பிய 18 நவ. 2023 தேதியில் ஆளுநர் அதற்கு ஒப்புதல் அளித்ததாக கருத வேண்டும் என அரசிதழில் தெரிவிக்கப்பட்டு உள்ளது. ஒரு மாநில அரசு அம்மாநில ஆளுநரின் ஒப்புதலுக்கு பதிலாக உச்சநீதிமன்ற உத்தரவின் அடிப்படையில் மசோதாக்களை சட்டமாக்குவது இந்திய வரலாற்றில் இதுவே முதல்முறையாகும்.
உச்சநீதிமன்றம் அளித்த தீர்ப்பு
உச்சநீதிமன்ற நீதிபதிகள் ஜே.பி.பர்திவாலா மற்றும் நீதிபதி ஆர். மகாதேவன் ஆகியோர் அடங்கிய அமர்வு, ஆளுநரின் ஒப்புதலை நிறுத்தி வைத்த முதல் செயலைத் தொடர்ந்து, மாநில சட்டமன்றத்தால் மீண்டும் இயற்றப்பட்ட 10 மசோதாக்களை குடியரசுத் தலைவரின் ஒப்புதலுக்காக ஆளுநர் ஒதுக்கியிருக்க முடியாது என்று தீர்ப்பளித்தது. 10 மசோதாக்களையும் ஆளுநர், குடியரசுத் தலைவருக்கு அனுப்பியது சட்ட விரோதம் என உச்ச நீதிமன்றம் தீர்ப்பு வழங்கியதுடன், அம்மசோதாக்களுக்கு ஒப்புதல் வழங்கப்பட்டதாக கருதவேண்டும் என தீர்ப்பு வழங்கியது.
குடியரசுத் தலைவர் 3 மாதத்தில் முடிவு செய்ய வேண்டும்
ஆளுநரின் பரிசீலனைக்காக ஒதுக்கப்பட்ட மசோதாக்கள் குறித்து குடியரசுத் தலைவர் அத்தகைய குறிப்பு பெறப்பட்ட நாளிலிருந்து மூன்று மாத காலத்திற்குள் முடிவு செய்ய வேண்டும் என்று முதல் முறையாக உச்ச நீதிமன்றம் பரிந்துரைத்துள்ளது.
"உள்துறை அமைச்சகம் பரிந்துரைத்த காலக்கெடுவை ஏற்றுக்கொள்வது பொருத்தமானது என்று நாங்கள் கருதுகிறோம் ... குடியரசுத்தலைவர், அத்தகைய சுட்டைப் பெற்ற தேதியிலிருந்து மூன்று மாதக் காலஅளவிற்குள் ஆளுநரால் தம் ஒர்வுக்காக ஒதுக்கப்பட்ட சட்டமுன்வடிவுகளின் மீது ஒரு முடிவை எடுக்குமாறு வகுத்துரைக்கலாம்.
இந்த காலகட்டத்திற்கு மேல் ஏதேனும் தாமதம் ஏற்பட்டால், பொருத்தமான காரணங்களை பதிவு செய்து சம்பந்தப்பட்ட மாநிலத்திற்கு தெரிவிக்க வேண்டும். மாநிலங்கள் ஒத்துழைக்க வேண்டும் மற்றும் எழுப்பக்கூடிய கேள்விகளுக்கு பதில்களை வழங்குவதன் மூலம் ஒத்துழைப்பை வழங்க வேண்டும் மற்றும் மத்திய அரசு அளித்த பரிந்துரைகளை விரைவாக பரிசீலிக்க வேண்டும், "என்று உச்ச நீதிமன்றம் தனது தீர்ப்பில் கூறி உள்ளது.
மசோதாக்களை ஆளுநர் அவமதிக்க முடியாது
"அரசியலமைப்பின் 200 வது பிரிவின் கீழ் ஆளுநர் தனது பணிகளை நிறைவேற்றுவதற்கு வெளிப்படையாக குறிப்பிடப்பட்ட காலக்கெடு எதுவும் இல்லை. பரிந்துரைக்கப்பட்ட கால வரம்பு எதுவும் இல்லை என்றாலும், ஆளுநர் ஒப்புதலுக்காக சமர்ப்பிக்கப்படும் மசோதாக்கள் மீது நடவடிக்கை எடுக்க அனுமதிக்கும் வகையில் பிரிவு 200 ஐ படிக்க முடியாது, இதன் மூலம் மாநிலத்தில் சட்டம் இயற்றும் இயந்திரத்தை தாமதப்படுத்துகிறது மற்றும் அடிப்படையில் தடுக்கிறது" என்று பெஞ்ச் தனது தீர்ப்பில் கூறியது. அமைச்சரவை வழங்கிய உதவி மற்றும் ஆலோசனைகளுக்கு ஆளுநர் கட்டுப்பட வேண்டும் என்று கூறிய உச்ச நீதிமன்றம், முன்னதாக சபைக்கு திருப்பி அனுப்பப்பட்ட பின்னர், இரண்டாவது சுற்றில் ஒரு மசோதாவை ஜனாதிபதியிடம் சமர்ப்பித்தவுடன், ஜனாதிபதியின் பரிசீலனைக்கு ஆளுநர் ஒதுக்க முடியாது என்று கூறியது.
ஆளுநர்களின் செயல்திறனை ஆய்வு செய்ய நேரிடும்
"அரசியலமைப்பின் 200 வது பிரிவின் கீழ் ஆளுநர் தனது பணிகளை நிறைவேற்றுவதற்கு வெளிப்படையாக குறிப்பிடப்பட்ட காலக்கெடு எதுவும் இல்லை. நிர்ணயிக்கப்பட்ட காலக்கெடு எதுவும் இல்லாத போதிலும், ஆளுநர் ஒப்புதலுக்காக சமர்ப்பிக்கப்படும் மசோதாக்கள் மீது நடவடிக்கை எடுக்க அனுமதிக்கும் வகையில் பிரிவு 200 ஐ படிக்க முடியாது, இதன் மூலம் மாநிலத்தில் சட்டம் இயற்றும் இயந்திரத்தை தாமதப்படுத்துகிறது மற்றும் அடிப்படையில் தடுக்கிறது" என்று பெஞ்ச் கூறியது, அதே நேரத்தில் இந்த தீர்ப்பின் ஒவ்வொரு நகலையும் அனைத்து உயர் நீதிமன்றங்களுக்கும் அனைத்து மாநிலங்களின் ஆளுநர்களின் முதன்மை செயலாளர்களுக்கும் அனுப்புமாறு பதிவேட்டிற்கு உத்தரவிட்டது. உச்ச நீதிமன்றம் காலக்கெடுவை நிர்ணயித்து, அதற்கு இணங்கத் தவறினால், ஆளுநர்களின் செயலற்ற தன்மை நீதிமன்றங்களின் நீதித்துறை மறுஆய்வுக்கு உட்படுத்தப்படும் என்று கூறியது.
Kathiravan V
