‘மூடப்பட்ட கதவுகள்.. முடிந்ததா அரசியல் பயணம்?’ பொன்முடியின் அரசியலும் சர்ச்சைகளும்!

மேலும் படிக்க | ‘எங்கே செல்லும் இந்த பாதை..’ அரசியல் வாதியாக செந்தில் பாலாஜியின் பயணமும் நிறுத்தமும்!

பொன்முடியின் ஆரம்ப வாழ்க்கை:

• பொன்முடியின் ஆரம்ப வாழ்க்கை மற்றும் கல்வி:
• பொன்முடி 1950 ஆகஸ்ட் 19 ஆம் தேதி விழுப்புரம் மாவட்டம் டி.எடையார் கிராமத்தில் பிறந்தார்.
• அவரது பெற்றோர்கள் ஆசிரியர்கள்.
• அவர் வரலாறு, பொது நிர்வாகம், சமூக அறிவியல் ஆகிய துறைகளில் முதுகலைப் பட்டமும், வரலாற்றில் முனைவர் பட்டமும் பெற்றுள்ளார்.
• அவர் சில காலம் பேராசிரியராகப் பணியாற்றினார்.

மேலும் படிக்க | செந்தில் பாலாஜி ராஜினாமா.. பொன்முடி நீக்கம்.. மீண்டும் மனோ தங்கராஜ்! தமிழக அமைச்சரவையில் மாற்றம்!

பொன்முடியின் அரசியல் பயணம்:

• கல்லூரியில் படிக்கும்போதே திமுக மாணவரணியில் இணைந்தார்.
• 1989 ஆம் ஆண்டு முதல் முறையாக விழுப்புரம் தொகுதியில் போட்டியிட்டு வெற்றி பெற்று சுகாதாரத்துறை அமைச்சரானார்.
• 1996 ஆம் ஆண்டு மீண்டும் வெற்றி பெற்று போக்குவரத்து மற்றும் நெடுஞ்சாலைத்துறை அமைச்சரானார்.
• 2006 முதல் 2011 வரை உயர்கல்வித்துறை அமைச்சராக பணியாற்றினார்.
• 2021 ஆம் ஆண்டு திருக்கோவிலூர் தொகுதியில் வெற்றி பெற்று உயர்கல்வித்துறை அமைச்சரானார்.

அமைச்சர் பொன்முடியின் சர்ச்சைகள்:

• பொன்முடியின் பேச்சுக்கள் பலமுறை சர்ச்சையை ஏற்படுத்தியுள்ளன. குறிப்பாக, பெண்கள் குறித்து அவர் பேசிய சில கருத்துக்கள் விமர்சனத்திற்கு உள்ளாகின.
• சமீபத்தில் அவர், பாலியல் தொழிலாளர்களை தொடர்புறுத்தி, சைவம் மற்றும் வைணவம் குறித்து ஆபாசமாக பேசியது பெரும் சர்ச்சையை ஏற்படுத்தியது.
• மேலும், அமலாக்கத்துறை அவரை சட்டவிரோத பண பரிமாற்ற தடை சட்டத்தின் கீழ் விசாரித்தது.
• இந்த சர்ச்சையின் காரணமாக, தி.மு.க. துணைப் பொதுச் செயலாளர் பொறுப்பில் இருந்து அவர் நீக்கப்பட்டார்.
• பொன்முடியின் ஆபாச பேச்சை கண்டித்து உயர்நீதிமன்றம், அவர் மீது வழக்கு பதிவு செய்ய வலியுறுத்தியது
• கடும் எதிர்ப்புகளுக்கு மத்தியில் தன்னுடைய அமைச்சர் பொறுப்பில் இருந்து பொன்முடி ஏப்ரல் 27, 2025 அன்று நீக்கப்பட்டார்.

மேலும் படிக்க | ‘பொன்முடி’ அணிந்து பொன்முடிக்கு எதிராக கண்டன ஆர்பாட்டம்.. இறங்கி அடிக்கும் அதிமுக!

பொன்முடியின் இந்த நீக்கம், அவரது அரசியல் வாழ்க்கையை கிட்டத்தட்ட முடிவுக்கு கொண்டு வந்துள்ளதாக தெரிகிறது. வரும் சட்டமன்ற தேர்தலில் அவருக்கு போட்டியிட வாய்ப்பு கிடைப்பதற்கான கதவுகளையும் சாத்தியுள்ளது. உண்மையில் இந்த அமைச்சரவை மாற்றத்தில் அதிக பாதிப்புகளை சந்தித்தவர், பொன்முடி தான்.