TVK Vijay: ’இனி ஆட்டமே வேற! ஆட்சியை பிடிப்பாரா விஜய்?’ ஆதரவை நீட்டும் கொங்கு!’ வெளியான அதிர்ச்சி கருத்து கணிப்பு!
தமிழக வெற்றிக் கழகத்திற்கு வாக்களிப்பீர்களா? என்ற கேள்விக்கு ஆம் என்று 41% பேரும். இல்லை என்று 27% பேரும், தேர்தல் நேரத்தில் முடிவு என 28% பேரும், கருத்தில்லை என 4% பேரும் கருத்து கூறி உள்ளனர்.
தமிழக வெற்றிக் கழகம் என்ற அரசியல் இயக்கத்தை நடிகர் விஜய் தொடங்கி உள்ள நிலையில், தமிழக வெற்றிக் கழகத்தின் செயல்பாடுகள் குறித்து தனியார் தொலைக்காட்சி கருத்து கணிப்பை நடத்தி வெளியிட்டு உள்ளது.
எந்தெந்த தரப்பினர் ஆதரவு?
இதில் நடிகர் விஜய்க்கு ஆதரவாக இளைஞர்கள் - 60% பேரும், தொழிலாளர்கள் 19% பேரும், விவசாயிகள் - 7 சதவீதம் பேரும், வியாபாரிகள் - 4 பேரும், முதல் முறை வாக்காளர்கள் 45% பேரும் இருப்பதாக தெரிவிக்கப்பட்டு உள்ளது.
தமிழக வெற்றிக் கழகத்திற்கு ஆதரவு உண்டா?
தமிழக வெற்றிக் கழகத்திற்கு வாக்களிப்பீர்களா? என்ற கேள்விக்கு ஆம் என்று 41% பேரும். இல்லை என்று 27% பேரும், தேர்தல் நேரத்தில் முடிவு என 28% பேரும், கருத்தில்லை என 4% பேரும் கருத்து கூறி உள்ளனர்.
விஜய் வந்தால் மாற்றம் உண்டாகுமா?
விஜய் வந்தால் மாற்றம் ஏற்படும் என்று நம்புகிறீர்களா? என்ற கேள்விக்கு ஆம் என்று 47% பேரும், இல்லை என்று 36% பேரும், கருத்து இல்லை என்று 17% பேரும் தெரிவித்து உள்ளனர்.
எம்.ஜி.ஆரா? என்.டி.ஆரா?
எம்ஜிஆர், என்டிஆர் போல விஜய் ஜெயிக்க (முதல்வராக) முடியுமா? என்ற கேள்விக்கு, முடியும் என்று 42% பேரும், முடியாது என்று 41% பேரும், கருத்து இல்லை என்று 17% பேரும் கருத்து தெரிவித்து உள்ளனர்.
மண்டல வாரியாக விஜய்க்கு எவ்வளவு ஆதரவு?
மண்டல வாரியாக எடுக்கப்பட்ட கருத்து கணிப்புகளில் கொங்கு மண்டலத்தில் 25%, தென் மண்டலத்தில் 19%, காவிரிப் படுகை மண்டலத்தில் 17%, வடக்கு மண்டலத்தில் 31%, சென்னை, செங்கை, காஞ்சி, திருவள்ளூர் மாவட்டங்களில் 35% பேர் விஜய்க்கு ஆதரவு தெரிவித்து உள்ளனர்.
விஜயின் அரசியல் செயல்பாடு எப்படி?
விஜய்யின் அரசியல் செயல்பாடு எப்படி இருக்கிறது? என்ற கேள்வுக்கு திருப்தி என 48% பேரும், திருப்தி இல்லை என 14% பேரும், பரவாயில்லை என 29% பேரும், ஒன்றுமில்லை என 9% பேரும் தெரிவித்து உள்ளனர்.
விஜயின் கொள்கைகள் எப்படி உள்ளது?
விஜய் கட்சியின் கொள்கைகள் எப்படி இருக்கின்றன என்ற கேள்விக்கு, சிறப்பு என 45% பேரும், மோசம் என 7% பேரும், பழைய பல்லவி என 29% பேரும், கருத்து இல்லை என 19% பேரும் கருத்து தெரிவித்து உள்ளனர்.
திமுக, அதிமுகவுக்கு மக்கள் மாற்றா?
திமுக, அஇஅதிமுகவுக்கு மாற்றாக மக்கள் விஜய்யை ஏற்றுக் கொள்வார்களா? என்ற கேள்விக்கு, ஆம் என்று 44% பேரும், இல்லை என்று 32% பேரும், கருத்து இல்லை என 24% பேரும் கருத்து தெரிவித்து உள்ளனர்.
யாரை போல் விஜய் வருவார்?
யாரைப் போல் வருவார் விஜய்? என்ற கேள்விக்கு விஜயகாந்த் போல் வருவார் என 42% பேரும், எம்ஜிஆர் போல் என 39% பேரும், கமல்ஹாசன் போல் என 9% பேரும், கருத்து இல்லை என 10% பேரும் கருத்து தெரிவித்து உள்ளனர்.
