‘போக்கிரி விஜய்யாக மாறிய பாதுகாவலர்..’ விஜய் ரசிகர் தலைக்கு வந்த துப்பாக்கி!

விஜய் வருகையால் பரபரப்பான மதுரை

மதுரை விமான நிலையத்தில் காலை முதலே கூடியிருந்த தொண்டர்கள் மற்றும் ரசிகர்கள் விஜய்யின் வாகனங்களுக்கு முன்பாகவும் பின்னாலும் சென்று விஜய்க்கு மலர் தூவி வரவேற்றனர். தொடர்ந்து மூன்று நாள் கொடைக்கானலில் படப்பிடிப்பை முடித்துவிட்டு, தனி விமானத்தில் மீண்டும் சென்னை செல்வதற்காக இன்று மதியம் 12 மணிக்கு மதுரை விமான நிலையம் வந்தார்.

தலையை நோக்கிச் சென்ற துப்பாக்கி

தவெக தொண்டர்கள் மற்றும் ரசிகர்கள், விஜய் அறிவுறுத்தலின் பெயரில் விமான நிலையத்திற்கு யாரும் வரவில்லை. வந்த சிலரும் விமான நிலையத்திற்குள் காவலர்கள் அனுமதி மறுத்ததால் திரும்பி சென்றனர். இதனையிடைல் மதுரை விமான நிலையத்திற்கு தவெக தலைவர் விஜய் வரும்போது திடீரென விஜய் பார்க்க வந்த தொண்டர் ஒருவரை தடுத்த விஜய்யின் பாதுகாவலர் ஒருவர், திடீரென துப்பாக்கியை எடுத்து, அந்த தொண்டரின் தலையை நோக்கி சுடுவதைப் போல செய்கை செய்தார். சிறிது நேரத்தில் அந்த தொண்டர் அதிர்ந்து போக, அவரை உடன் இருந்த பாதுகாவலர்கள் அழைத்துச் சென்றார்.

மேலும் படிக்க | ’பரோட்டா கடை முதல் பேன்சி ஸ்டோர் வரை வணிகர்கள் மீதான தாக்குதல் அதிகரித்துவிட்டது!’ ஈபிஎஸ் கடும் தாக்கு!

போக்கிரி படத்தில் ‘பொண்ணும் என்னோடது தான்.. ஃகன்னும் என்னோடது தான்’ என்று துப்பாக்கியை வைத்து விஜய் பேசும் டயலாக் போல, அவரது பாதுகாப்புக்கு வந்த பாதுகாவலரும் செயல்பட்ட சம்பவம், பேசுபொருளாகவும், வீடியோ வைரலாகவும் மாறிவிட்டது.

மேலும் படிக்க | ’யார் அந்த முட்டாள்?’ அமைச்சர் மா.சுப்பிரமணியன் குறித்த கேள்விக்கு பாஜக மூத்த தலைவர் ஹெச்.ராஜா பதில்!

துப்பாக்கி வைத்தது எனக்குத் தெரியாது

இதற்கிடையில் விஜய்யின் பாதுகாவலர்களால் அச்சுறுத்தப்பட்ட அந்த நபர், நடிகர் விஜய்யின் தீவிர ரசிகரான இன்பராஜ் என்பது தெரியவந்தது. மதுரையில் முதன்முறையாக விஜய்க்கு ரசிகர் மன்றம் வைத்தவர் என்றும் அவரை குறிப்பிடுகின்றனர். இந்த சம்பவம் தொடர்பாக நியூஸ் 18 தொலைக்காட்சிக்கு பேட்டியளித்த இன்பராஜ், ‘‘என் தலைமையில் துப்பாக்கி வைத்தது எனக்குத் தெரியாது; பாதுகாப்பு நிமித்தமாகவே பவுன்சர்கள் இவ்வாறு செய்துள்ளனர்; இதனை சந்தோஷமாகவே எடுத்துக்கொள்கிறேன்,’’ என்று பெருந்தன்மையாக கூறியுள்ளார்.