தமிழ் செய்திகள்  /  Tamilnadu  /  Pm Modi Inaugurates 6th Khelo India Youth Games In Chennai

PM Modi: 'சாம்பியன்களை உருவாக்கும் பூமி தமிழகம்'.. பிரதமர் மோடி புகழாரம்!

Karthikeyan S HT Tamil
Jan 19, 2024 08:33 PM IST

Khelo India Games: தமிழ்நாடு மற்றும் தமிழ்மொழியின் கலாச்சாரம் உங்களுக்கு உங்களின் சொந்த ஊரில் இருப்பது போன்ற உணர்வை தரும் என்று கேலோ இந்தியா விளையாட்டு போட்டி துவக்க விழாவில் பிரதமர் மோடி பேசினார்.

பிரதமர் மோடி
பிரதமர் மோடி

ட்ரெண்டிங் செய்திகள்

இந்த விழாவில் பிரதமர் நரேந்திர மோடி பேசுகையில், 2024ம் ஆண்டு விளையாட்டு துறைக்கு சிறப்பான தொடக்கமாக அமைந்துள்ளது. தமிழ்நாடு மற்றும் தமிழ்மொழியின் கலாச்சாரம் உங்களுக்கு உங்களின் சொந்த ஊரில் இருப்பது போன்ற உணர்வை தரும். வீரமங்கை வேலு நாச்சியார் மகளிர் சக்தியின் அடையாளம், தமிழ்நாட்டின் பாரம்பரிய விளையாட்டான சிலம்பத்தை காண ஆர்வமாக இருக்கிறேன். சென்னைக்கு வந்தது சொந்த ஊருக்கு வந்ததுபோல் இருக்கிறது.

விளையாட்டில் தமிழகத்திற்கென்று ஒரு இடம் உள்ளது. விளையாட்டுத் துறையில் சாம்பியன்களை உருவாக்கும் பூமியாக தமிழ்நாடு திகழ்கிறது. விளையாட்டு போட்டிகளில் இந்தியாவை தலைசிறந்த நாடாக காண விரும்புகிறேன். விளையாட்டு என்பது பெரிய பொருளாதாரம் ஆகும். இதில் இளைஞர்களுக்கு பல வேலைவாய்ப்பு கிடைக்கும். இந்தியாவில் விளையாட்டுத் துறையின் மதிப்பு ரூ.1 லட்சம் கோடியாக இருக்கும் என மதிப்பீடப்பட்டுள்ளது.  

விளையாட்டு பொருளாதாரத்தில் இந்தியாவின் பங்கை அதிகரிக்க வேண்டும். விளையாட்டு உபகரணம் தயாரிப்பதில் இந்தியா தற்சார்பு நாடாக மாற வேண்டும். உலக விளையாட்டு கட்டமைப்பின் மையமாக இந்தியா மாற வேண்டும் என்பதே அடுத்த இலக்கு. புதிய கல்விக் கொள்கையில் விளையாட்டுக்கு முக்கியத்துவம் அளிக்கப்பட்டுள்ளது. கடந்த பத்து ஆண்டுகளில் இந்தியா விளையாட்டுத் துறைக்கு புதிய உத்வேகம் கிடைத்துள்ளது. 2036 ஆம் ஆண்டு ஒலிம்பிக் போட்டியை " இவ்வாறு அவர் பேசினார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்