தமிழ் செய்திகள்  /  Tamilnadu  /  Modi, Stalin Are The Best At Mouthing Vadai - Former Aiadmk Minister Sellur Raju

Sellur Raju: ’வாயிலேயே வடை சுடுவதில் இந்தியாவுக்கு மோடிஜி, தமிழ்நாட்டு க்கு ஸ்டாலின்’ கலாய்க்கும் செல்லூர் ராஜு!

Kathiravan V HT Tamil
Mar 07, 2024 05:43 PM IST

”நீட் ரத்து, கல்விக்கடன் ரத்து, அனைத்து மகளிருக்கும் ஆயிரம் ரூபாய், நகைக்கடன் தள்ளுபடி திட்டங்களை அறிவித்த முதலமைச்சர் எதுவுமே செய்யவில்லை. முதலமைச்சர் ஒரே வடையாக சுட்டுக்கொண்டு இருக்கிறார். 15 லட்சம் போடுவோம் என்ற பிரதமர் ஏதும் செய்யவில்லை”

அதிமுக முன்னாள் அமைச்சர் செல்லூர் ராஜூ பேட்டி
அதிமுக முன்னாள் அமைச்சர் செல்லூர் ராஜூ பேட்டி

ட்ரெண்டிங் செய்திகள்

தேர்தல் பத்திரங்கள் குறித்த விவரத்தை எஸ்.பி.ஐ வங்கி வெளியிட அவகாசம் கேட்டுள்ளது குறித்த கேள்விக்கு, காங்கிரஸ், திமுக கட்சிகள்தான் இதில் வருத்தப்பட வேண்டும், எங்களுக்கெல்லாம் இதில் இல்லாததால் வருத்தப்பட வேண்டியதில்லை. மத்திய அரசு இதில் தலையிடுவது போல் தெரிகிறது, இந்த நேரத்தில் வெளியிட வேண்டும் என கேட்டுக் கொள்கிறேன் என்றார்.  

கண்ணடித்தால் வராத கூட்டணி கட்சிகள் கையை பிடித்து இழுத்தால் மட்டும் வரவா போகிறது என துரைமுருகன் பேசி உள்ளது குறித்த கேள்விக்கு, யாரு கையை பிடித்து இழுக்கிறது, அவர்கள் கூட்டணியை மக்களே ஏற்றுக் கொள்ளவில்லை. தேர்தலில் பணம் செலவழிக்க வேண்டும் என்பதால் கூட்டணி கட்சிகள் திமுக உடன் உள்ளன. ஆளும் பாஜகவையே வேண்டாம் என்று சொல்லிவிட்டு வந்த நாங்கள் மற்ற கட்சிகளை அழைப்போமா? என்றார். 

தொடர்ந்து பேசிய செல்லூர் ராஜூ, நான் உடல் ரீதியாக நன்றாக உள்ளேன், ஆனால் மக்கள் நலமாக உள்ளார்களா, வாயிலேயே வடை சுடுவதில் இந்திய அளவில் மோடிஜி, தமிழ்நாட்டில் நம்ம முதலமைச்சர் ஸ்டாலின் அவர்கள்.

ஏதாவது ஒரு திட்டத்தை அறிவித்தாலும் அது நிறைவேறப்போவதில்லை, தமிழ்நாட்டு போதை மாநிலமாக மாறி வருகிறது. ராமேஸ்வரத்தில் 108 கோடி ரூபாயில் போதை பொருள் கைப்பற்றப்பட்டுள்ளது. போதையில் விதவிதமாக போதை வருகிறது. தமிழ்நாட்டை ஒரு தளமாக வைத்துக் கொண்டு போதை பொருட்கள் கடத்தப்படுவதால், மீனவர்கள் பாதிக்கப்படுகின்றனர். 

நீட் ரத்து, கல்விக்கடன் ரத்து, அனைத்து மகளிருக்கும் ஆயிரம் ரூபாய், நகைக்கடன் தள்ளுபடி திட்டங்களை அறிவித்த முதலமைச்சர் எதுவுமே செய்யவில்லை. முதலமைச்சர் ஒரே வடையாக சுட்டுக்கொண்டு இருக்கிறார்.   15 லட்சம் போடுவோம் என்ற பிரதமர் ஏதும் செய்யவில்லை. 

இதற்கு மாற்று சக்தியாக அதிமுக உள்ளது. கொரோனா காலத்தில் ஈபிஎஸ் மிக சிறப்பாக செயல்பட்டார். எதுவுமே செய்யாமல் நீங்கள் நலமா என முதலமைச்சர் கேட்கிறார். இவர்களாகவே ஆட்களை செட்டப் செய்துவிட்டு நாங்கள் நலம் என பேச வைக்கின்றனர். நம்ம முதலமைச்சர் நல்லாவே நடிக்கிறார். 

மோடி ஜி அவர்கள் அம்மாவை புகழ்கிறார், அவர்கள் தலைவராக உள்ள வாஜ்பாய், அத்வானியை பற்றி எல்லாம் பேசவில்லை. பாஜக ஆட்சியில் தமிழ்நாடு எல்லாவற்றிலும் பின் தங்கிவிட்டது. பிரதமர் அதிமுகவுக்கு ஓட்டுப்போடும் மக்களை எப்படியாவது மாற்றிவிடலாமா என நினைக்கிறார்; ஆனால் எதுவும் நடக்காது. தமிழ்நாட்டுக்கு பிரதமர் மோடி எத்தனை முறை வந்தாலும் மக்கள் ஏற்றுக் கொள்ள மாட்டார்கள். 

ஒரு அரசியல் கட்சி என்பது எல்லா மக்களுக்காகவும் இருக்க வேண்டும். ஆனால் பாஜக ஒரு மதத்தை முன்னோக்கி எடுத்து செல்கிறது. தந்தை பெரியார், பேரறிஞர் அண்ணா, புரட்சித் தலைவர் எம்ஜிஆர், அம்மா காலத்தில் எந்த காலத்திலும் மத வெறியர்களுக்கு எதிராக இருந்துள்ளனர் என கூறினார். 

IPL_Entry_Point