’ராமாயணத்திலேயே பெண்ணை தூக்கி சென்றார்கள்’ பெண்கள் பாதுகாப்பு குறித்த கேள்விக்கு துரைமுருகன் பதில்! காரசார விவாதம்!

தமிழ்நாடு பெண்களுக்கு பாதுகாப்பற்ற மாநிலமாக மாறி வருவதாக வானதி சீனிவாசன் குற்றம் சாட்டிய நிலையில், இதற்கு அமைச்சர்கள் துரைமுருகன், கீதா ஜீவன், மற்றும் ரகுபதி ஆகியோர் பதிலளித்தனர். குறிப்பாக, அமைச்சர் துரைமுருகன், “ராமாயணத்திலேயே பெண்ணைத் தூக்கிச் சென்றனர்; நல்லவர்கள், கெட்டவர்கள் எல்லா இடத்திலும் உள்ளனர். முக்கியம் நடவடிக்கை தான்,” என வாதிட்டார்.

தமிழ்நாடு பெண்களுக்கு பாதுகாப்பான மாநிலமா?

காவல்துறையின் மானியக் கோரிக்கை மீதான விவாதத்தில், வானதி சீனிவாசன் தமிழகத்தில் பெண்களுக்கு எதிரான குற்றங்கள் அதிகரித்துள்ளதாகவும், சட்டம்-ஒழுங்கு கேள்விக்குறியாக உள்ளதாகவும் குறிப்பிட்டார். அனைத்து பெண்களுக்கும், தனக்கு வழங்கப்படுவது போலவே பாதுகாப்பு வழங்கப்பட வேண்டும் என வலியுறுத்தினார். இதற்கு பதிலளித்த சபாநாயகர் அப்பாவு, சட்டமன்ற உறுப்பினருக்கு பாதுகாப்பு வழங்குவது அரசின் கடமை என்றும், அதை அரசு நிறைவேற்றும் என்றும் உறுதியளித்தார்.

அமைச்சர் கீதா ஜீவன், பெண்களுக்கு பாதுகாப்பு வழங்குவதில் தமிழ்நாடு முன்னிலை மாநிலமாக உள்ளதாகவும், பிற மாநிலங்களை ஒப்பிடுகையில் தமிழகம் அமைதியான மாநிலமாக திகழ்வதாகவும் தெரிவித்தார். அமைச்சர் ரகுபதி, தமிழக மக்கள் பாதுகாப்புடன் வாழ்வதாக கூறினார்.

மேலும் படிக்க:- கோவையில் விஜய்க்கு டஃப் கொடுத்த உதய்! விமான நிலையம் முதல் ரோட்ஷோ! ஒரு கி.மீ நீளத்திற்கு பிரம்மாண்ட வரவேற்பு!

ராமாயணத்திலேயே…!

அமைச்சர் துரைமுருகன், உத்தரப் பிரதேசத்தில் 23 பேர் சேர்ந்து ஒரு பெண்ணை கற்பழித்த சம்பவத்தை சுட்டிக்காட்டி, "ராமாயணத்திலேயே பெண்ணை தூக்கி சென்றார்கள் அதனால் நல்லவர்கள் கெட்டவர்கள் எல்லா இடத்திலும் இருப்பார்கள் நடவடிக்கை என்ன என்பதை தான் நாம் பார்க்க வேண்டி இருக்கிறது." என்றார். மேலும் பிற மாநிலங்களில் நடக்கும் குற்றங்களை ஒப்பிட்டு, தமிழ்நாட்டில் பெண்கள் பாதுகாப்பு உறுதி செய்யப்படுவதாக துரைமுருகன் வாதிட்டார்.

இதற்கு பதிலளித்து பேசிய பாஜக எம்.எல்.ஏ வானதி சீனிவாசன், எந்த குற்றச்சாட்டை நாங்கள் சொன்னாலும், பாஜக ஆளும் மாநிலங்களுக்கு ஏன் சொல்கிறீர்கள். தமிழ்நாட்டை வளர்ந்த நாடுகளுடன் ஒப்பிட வேண்டும் என கூறினார்.

மேலும் படிக்க:- ’வடிவேலுக்கு வந்த கூட்ட எவ்ளோ தெரியுமா?’ விஜய் குறித்த கேள்விக்கு ராஜேந்திர பாலாஜி பதிலடி!