திமுக அரசுக்கு எதிராக திரும்பும் கார்த்தி சிதம்பரம், வேல்முருகன்! சவுக்கு சங்கர் வீடு சூறைக்கு குவியும் கண்டனங்கள்!

சவுக்கு சங்கர் வீடு தாக்கப்பட்டதற்கு எதிர்க்கட்சித் தலைவர் எடப்பாடி பழனிசாமி, பாஜக மாநிலத் தலைவர் அண்ணாமலை, மத்திய இணையமைச்சர் எல்.முருகன் உள்ளிட்டோர் கண்டனம் தெரிவித்து உள்ளனர்.

மேலும் திமுக கூட்டணியில் உள்ள காங்கிரஸ் எம்பி கார்த்தி சிதம்பரம் மற்றும் தவாக தலைவர் வேல்முருகன் ஆகியோரும் இச்சம்பவத்திற்கு கண்டனம் தெரிவித்து உள்ளனர்.

மேலும் படிக்க:- Savukku Shankar: ’சாப்பிடும் டேபிளில் மலம்! வீடு தாக்குதலுக்கு இந்த 2 பேர்தான் காரணம்!’ சவுக்கு சங்கர் பரபரப்பு பேட்டி!

கார்த்தி சிதம்பரம், காங்கிரஸ் எம்.பி

சவுக்கு சங்கர் வீட்டில் நடத்தப்பட்ட தாக்குதல் மிகவும் கண்டிக்கத்தக்க மற்றும் கொடூரமான தாக்குதல். காவல்துறையினர் குற்றவாளிகளை உடனடியாக சட்டத்தின் முன் நிறுத்த வேண்டும், இல்லையெனில் அது பொதுமக்களின் நம்பிக்கையை மேலும் சிதைத்துவிடும்.

டிடிவி தினகரன், அமமுக பொதுச்செயலாளர்

திரு.சவுக்கு சங்கர் அவர்களின் இல்லத்தில் அரங்கேறியிருக்கும் திட்டமிட்ட வன்முறை அநாகரீகத்தின் உச்சம் - புகார் அளித்த பின்பும் நடவடிக்கை எடுக்காத காவல்துறையின் அலட்சியம் கடும் கண்டனத்திற்குரியது.

இன்று திரு.சவுக்கு சங்கர் மீதும், அவரது தாயார் மீதும் வன்முறையை ஏவி விட்டவர்கள் யாராக இருப்பினும், அவர்கள் மீது தயவு தாட்சண்யமின்றி நடவடிக்கை எடுக்க வேண்டும் என வலியுறுத்துகிறேன்.

மேலும் படிக்க:- ’ஊடகவியலாளர் சவுக்கு சங்கர் வீட்டில் குண்டர் படை தாக்குதல்! அதிமுக ஆட்சி வந்தால் அவ்ளோதான்!’ எடப்பாடி எச்சரிக்கை!

தி.வேல்முருகன், தமிழக வாழ்வுரிமை கட்சி

ஊடகவியலாளர் திரு.சவுக்கு சங்கர். அவர்களின் வீட்டிற்குள் துப்புரவு பணியாளர்கள் என்கின்ற பெயரில் புகுந்த ரவுடிகள் அங்கிருந்த பொருட்களை சேதப்படுத்தியும், வீட்டில் இருந்தவர்களை அச்சுறுத்தியும்,கழிவு நீரை வீடு முழுதும் ஊற்றியும் அராஜகத்தில் ஈடுபட்டுள்ளனர் இது வன்மையான கண்டனத்துக்குரியது. ஜனநாயக நாட்டில் அவர் முன்வைக்கும் கருத்துக்களின் மீது யாருக்கு வேண்டுமானாலும் மாற்றுக் கருத்து இருக்கலாம் அதனை கருத்தால் எதிர்கொள்ள வேண்டுமேயொழிய இது போன்று வன்முறையில் ஈடுபடுவது ஏற்கத்தக்கதல்ல. இந்த வன்முறை சம்பவத்தில் தொடர்புடையவர்கள் யாராக இருப்பினும் அவர்களை கைது செய்து சட்டத்தின் முன் நிறுத்தி உரிய தண்டனை பெற்றுத்தர வேண்டுமென்று தமிழ்நாடு அரசசையும் தமிழ்நாடு காவல்துறையையும் தமிழக வாழ்வுரிமைக் கட்சியின் சார்பில் கேட்டுக்கொள்கிறேன்.

சாட்டை துரைமுருகன், நாம் தமிழர் கட்சி

ஊடகவியலாளர் சவுக்கு சங்கர் அவர்களின் வீட்டிற்கு சென்று அவரது தாயாரை ஆபாச வார்த்தைகளை பேசி கொலை மிரட்டல் விடுத்ததோடு வீடு முழுக்க மலத்தை அள்ளி வீசி அராஜகம் செய்துள்ளனர். துப்பரவு தொழிலாளர்களை சவுக்கு சங்கர் தவறாக பேசியிருந்தால் காவல்நிலையத்தில் புகார் கொடுப்பதுதானே சரி ! அதை விடுத்து வீட்டிற்கு சென்று மலத்தை அள்ளி வீசுவது அப்பட்டமான கொடும்செயல் !

மேலும் படிக்க:- சவுக்கு சங்கர் வீடு சூறை: 'பாசிச செயலுக்கு எதிராக குரல் கொடுப்பாரா?’ முதல்வருக்கு எல்.முருகன் சரமாரி கேள்வி!