வகையினம்

தமிழ் செய்திகள் / தமிழ்நாடு / Top 10 News : பாஜகவுடன் ஒட்டும் இல்லை உறவும் இல்லை.. முன் ஜாமின் கோரிய நடிகை கஸ்தூரி.. அமைச்சர் சேகர் பாபு ஆய்வு!

Top 10 News : பாஜகவுடன் ஒட்டும் இல்லை உறவும் இல்லை.. முன் ஜாமின் கோரிய நடிகை கஸ்தூரி.. அமைச்சர் சேகர் பாபு ஆய்வு!

Divya Sekar HT Tamil Published Nov 11, 2024 01:51 PM IST

எங்களை பின் தொடரலாம்

Divya Sekar HT Tamil

Published Nov 11, 2024 01:51 PM IST

பாஜகவுடன் ஒட்டும் இல்லை உறவும் இல்லை என கூறிய ஜெயக்குமார், முன் ஜாமின் கோரிய நடிகை கஸ்தூரி, குறளகம் கட்டப்படவுள்ள இடத்தை ஆய்வு செய்த அமைச்சர் சேகர் பாபு ஆய்வு என இன்றைய டாப் 10 செய்திகளை பார்க்கலாம்.

Top 10 News : பாஜகவுடன் ஒட்டும் இல்லை உறவும் இல்லை.. முன் ஜாமின் கோரிய நடிகை கஸ்தூரி.. அமைச்சர் சேகர் பாபு ஆய்வு!

எங்களை பின் தொடரலாம்

தலைமறைவாக உள்ள நடிகை கஸ்தூரி சென்னை உயர்நீதிமன்ற மதுரை கிளையில் முன் ஜாமீன் கேட்டு மனு தாக்கல், பாஜகவுடன் ஒட்டும் இல்லை உறவும் இல்லை என கூறிய ஜெயக்குமார், அரசுப் பேருந்தும் இருசக்கர வாகனமும் நேருக்கு நேர் மோதி விபத்து என இன்றைய டாப் 10 செய்திகளை பார்க்கலாம்.

எடப்பாடி பழனிசாமியுடன் விவாதிக்கத் தயார் -உதயநிதி ஸ்டாலின்

நேரடி விவாதம் செய்ய எடப்பாடி பழனிசாமி அழைத்தால் நான் தயார் என துணை முதலமைச்சர் உதயநிதி ஸ்டாலின் தெரிவித்துள்ளார். முதலமைச்சர் மு.க.ஸ்டாலினை விவாதத்துக்கு அழைத்த எடப்பாடி பழனிசாமி குறித்த கேள்விக்கு துணை முதல்வர் உதயநிதி பதில் அளித்துள்ளார்.

தேர்தல் பணிகளை கடமை உணர்வோடு பணியாற்ற வேண்டும்

2026 சட்டமன்றத் தேர்தல் பணிகளில் கடமை உணர்வோடு பணியாற்றவேண்டும் என அதிமுக பொதுச்செயலாளர் எடப்பாடி பழனிசாமி தெரிவித்துள்ளார். சென்னை ராயப்பேட்டை அதிமுக தலைமை அலுவலகத்தில் கள ஆய்வு குழுவினருடன் எடப்பாடி பழனிசாமி ஆலோசனை நடத்தினார். அப்போது, வெளிப்படைத் தன்மை வாய்ந்த அறிக்கையை கட்சிக்கு உண்மையாக வழங்க வேண்டும். மாவட்டங்கள் மற்றும் தொகுதிகளில் ஆய்வு செய்து கட்சியின் செயல்பாடுகள் எவ்வாறு உள்ளது என கூற வேண்டும் என கூறினார்.

பாஜகவுடன் ஒட்டும் இல்லை உறவும் இல்லை- ஜெயக்குமார்

"பாஜகவுடன் ஒட்டும் இல்லை உறவும் இல்லை. இதுதான் அதிமுகவின் நிலைப்பாடு என பாஜகவுடன் கூட்டணியா? என்ற கேள்விக்கு அதிமுக நிர்வாகி ஜெயக்குமார் பதிலளித்துள்ளார்.

நடிகை கஸ்தூரி முன் ஜாமீன் கேட்டு உயர்நீதிமன்ற மதுரை கிளையில் மனு

தலைமறைவாக உள்ள நடிகை கஸ்தூரி முன் ஜாமீன் கேட்டு சென்னை உயர்நீதிமன்ற மதுரை கிளையில் மனு தாக்கல் செய்துள்ளார். சென்னையில் நடந்த போராட்டத்தில் தெலுங்கு பேசும் மக்கள் குறித்து நடிகை கஸ்தூரி அவதூறாக பேசினார். பிராமணர்களுக்கு பாதுகாப்பு கேட்டு நடந்த ஆர்ப்பாட்டத்தில் கஸ்தூரி தெலுங்கு பெண்களை இழிவுப்படுத்தி பேசியிருந்தார். இது தெலுங்கு பேசும் மக்களிடையே கடும் கொந்தளிப்பை ஏற்படுத்தியுள்ளது.

அமைச்சர் சேகர் பாபு ஆய்வு

சென்னை பிராட்வேயில் உள்ள பழைய பேருந்து நிலையத்தில் ரூ. 822.70 கோடி மதிப்பீட்டில் புதிய பல்நோக்கு ஒருங்கிணைந்த போக்குவரத்து பேருந்து நிலையம் மற்றும் குறளகம் கட்டப்படவுள்ள இடத்தை அமைச்சர் சேகர் பாபு ஆய்வு செய்தார்.

மதுரையில் ஒலிம்பிக் அகாடமி கட்டடத்திற்கு அடிக்கல் நாட்டினார் துணை முதல்வர் உதயநிதி ஸ்டாலின்

சென்னையில் இருந்து காணொளி காடசி மூலம் மதுரையில் ஒலிம்பிக் அகாடமி கட்டடத்திற்கு துணை முதல்வர் அடிக்கல் நாட்டினார். சென்னையில் 553 மாணவர்களுக்கு சாம்பியன்ஸ் கிட் வழங்கினார். ராணிப்பேட்டையில் விளையாட்டு மைய வளாகம் கட்டும் பணியை தொடங்கி வைத்தார்.

ஆண்டிபட்டி அருகே கள்ளச்சாராய ஊறல் தயாரித்தவர் கைது!

ஆண்டிபட்டி அருகே கடமலைக்குண்டு மலையடிவார பகுதியில் கள்ளச்சாராய ஊறல் தயாரித்தவர் கைது செய்யப்பட்டார். குமரேசன் என்பவரை கைது செய்த போலீசார், 40 லிட்டர் கள்ளச்சாராய ஊறலை அழித்தனர்.

அரசுப் பேருந்தும் இருசக்கர வாகனமும் நேருக்கு நேர் மோதி விபத்து

அந்தியூர் அருகே அரசுப் பேருந்தும் இருசக்கர வாகனமும் நேருக்கு நேர் மோதிய விபத்தில் தாய் மகன் உயிரிழந்தனர். விபத்தில் தாய் கந்தாயாள் (59), மகன் பூமேஸ்வரன்(29) இருவரும் சம்பவ இடத்திலேயே உயிரிழந்த நிலையில் போலீசார் விசாரணை மேற்கொண்டு வருகின்றனர்.

கார்த்திகை தீபத் திருவிழா

கார்த்திகை தீபத் திருவிழாவை முன்னிட்டு பாதுகாப்பு ஏற்பாடுகள் குறித்து, அண்ணாமலையார் கோயிலில் காவல்துறை ஏடிஜிபி டேவிட்சன் தேவ ஆசீர்வாதம், வடக்கு மண்டல ஐஜி அஸ்ரா கார்க், வேலூர் சரக டிஐஜி தேவராணி மற்றும் உயரதிகாரிகள் ஆய்வு மேற்கொண்டனர்.