'விரைவில் புதிய பாஜக மாநிலத் தலைவர்?’: நாளை சென்னை வரும் அமித் ஷா.. பாஜக நிர்வாகிகளுடன் ஆலோசித்து அறிவிப்பார் என தகவல்
Published Apr 09, 2025 03:12 PM IST
நாளை சென்னை வரும் மத்திய உள்துறை அமித் ஷா, பல முக்கிய முடிவுகளை அறிவிப்பார் எனத் தகவல் வெளியாகி இருக்கிறது.
'விரைவில் புதிய பாஜக மாநிலத் தலைவர்?’: நாளை சென்னை வரும் அமித் ஷா.. பாஜக நிர்வாகிகளுடன் ஆலோசித்து அறிவிப்பார் என தகவல்
2 நாள் பயணமாக நாளை ஏப்ரல் 10ஆம் தேதி மத்திய உள்துறை அமைச்சர் அமித் ஷா சென்னை வருகிறார்.
நாளை இரவு 10 மணியளவில் சென்னை விமான நிலையம் வரும் மத்திய உள்துறை அமித் ஷா, ஐ.டி.சி. கிராண்ட் சோழா ஹோட்டலில் தங்குகிறார். அதனைத் தொடர்ந்து ஏப்ரல் 11ஆம் தேதி காலை சென்னையில் இருக்கும் பாஜக நிர்வாகிகளுடன் ஆலோசனை நடத்தவுள்ளார், மத்திய அமைச்சர் அமித் ஷா.
இரண்டு நாள் பயணமாக மத்திய உள்துறை அமைச்சர் அமித் ஷா சென்னை வர இருக்கிறார். குறிப்பாக, நாளை மாலை ஏப்ரல் 10ஆம் தேதி இரவு 7:30 மணிக்கு தனி விமான மூலம் கிளம்பும் அமித் ஷா, நாளை இரவு 10:30 மணிக்குச் சென்னை விமான நிலையம் வந்தடைகிறார். அதன்பின், சென்னை கிண்டியில் இருக்கும் ஐடிசி கிராண்ட் சோழா ஹோட்டலில் தங்க இருக்கிறார்.