EPS: 'எந்த முக்கிய நபரையும் பார்க்க வரவில்லை'.. டெல்லியில் எடப்பாடி பழனிசாமி சொன்ன வார்த்தை!

டெல்லி சென்றடைந்த எடப்பாடி பழனிசாமியை அதிமுக மாநிலங்களவை உறுப்பினர்கள் தம்பிதுரை, சி.வி.சண்முகம் ஆகியோர் விமான நிலையத்தில் வரவேற்றனர். இதனைத் தொடர்ந்து டெல்லி பயணம் குறித்து செய்தியாளர்களின் கேள்விக்கு பதிலளித்த எடப்பாடி பழனிசாமி, "முக்கிய நபர் யாரையும் சந்திக்க வரவில்லை, டெல்லியில் திறக்கப்பட்டிருக்கும் அதிமுக அலுவலகத்தை பார்வையிட வந்தேன்." என்று தெரிவித்துள்ளார்.

மேலும் படிக்க | MK Stalin vs EPS: டெல்லியில் யாரை சந்திக்கிறார் ஈபிஎஸ்.? - சட்டப்பேரவையில் போட்டு உடைத்த முதல்வர் ஸ்டாலின்!

டெல்லியில் அதிமுக அலுவலகம் திறப்பு

அதிமுக சார்பில் கடந்த மாதம் புதுடெல்லியில் ரூ.10 கோடியில் 4 தளங்களுடன் கட்டப்பட்ட அதிமுக அலுவலக கட்டிடத்தை காணொலி வாயிலாக அக்கட்சியின் பொதுச்செயலாளர் பழனிசாமி திறந்துவைத்தார். இந்த நிலையில் தான் அந்த அலுவலகத்தை பார்வையிட தாம் டெல்லி வந்துள்ளதாக எடப்பாடி பழனிசாமி தெரிவித்துள்ளார்.

மேலும் படிக்க | சென்னையில் 1 மணி நேரத்தில் அடுத்தடுத்து செயின் பறிப்பு.. விமானத்தில் தப்ப முயன்ற கொள்ளையர்களை கொத்தாக தூக்கிய போலீஸ்!

2026-ல்சட்டமன்ற தேர்தல்

தமிழகத்தில் அடுத்தாண்டு சட்டமன்ற தேர்தல் நடைபெறவுள்ள நிலையில், அரசியல் கட்சிகள் அமைக்கும் கூட்டணி பெரும் எதிர்பார்ப்பை ஏற்படுத்தி உள்ளது. தற்போது திமுக கூட்டணியில் காங்கிரஸ், விடுதலை சிறுத்தைகள், ம.தி.மு.க., இந்திய கம்யூனிஸ், மார்க்சிஸ்ட் கம்யூனிஸ்ட், கொங்கு நாடு மக்கள் தேசிய கட்சி, மனிதநேய மக்கள் கட்சி உள்ளிட்ட பிரதான கட்சிகள் மட்டுமின்றி, பல்வேறு உதிரி கட்சிகளும் இடம் பெற்றுள்ளன.

மேலும் படிக்க | 'மலம் வீசியவர்கள் காங்கிரஸ் உறுப்பினர் என்றால் நிரூபிக்கப்பட்டும்'.. சவுக்கு சங்கருக்கு சவால் விடும் செல்வப்பெருந்தகை!

அதிமுக - தேமுதிக மனக்கசப்பு

ராஜ்யசபா சீட் விவகாரத்தில் அதிமுக தலைமையிலான கூட்டணியில் இடம்பெற்றுள்ள தேமுதிகவுக்கும் அக்கட்சிக்கும் ஏற்பட்டுள்ள மனக்கசப்பு மற்றும் பாஜகவை கூட்டணியில் சேர்ப்பது தொடர்பாக அதிமுக பொதுச்செயலாளர் எடப்பாடி பழனிசாமி இன்னும் உறுதியான முடிவு எடுக்காததும் திமுக கூட்டணிக்கு சாதகமாக பார்க்கப்படுகிறது.

மீண்டும் அதிமுக - பாஜக கூட்டணி?

சமீபகாலமாக, பாஜக மற்றும் அதிமுக தலைவர்கள் ஒருவரையொருவர் பெரிய அளவில் விமர்சனம் செய்யாமல் திமுகவுக்கு எதிரான கருத்துக்களை மட்டும் கூறி வரும் நிலையில், திடீர் பயணமாக எடப்பாடி பழனிசாமி டெல்லி சென்றுள்ளது தமிழக அரசியலில் பல யூகங்களை கிளப்பி இருக்கிறது. இதனிடையே எடப்பாடி பழனிசாமி இன்று மாலை பாஜக தலைவர்களை நேரில் சந்தித்து முக்கிய ஆலோசனையில் ஈடுபட உள்ளதாகவும் ஒரு தகவல் வெளியாகி இருக்கிறது. இதனால், எதிர்வரும் சட்டமன்றத் தேர்தலில் அதிமுக - பாஜக மீண்டும் கூட்டணி அமைத்து தேர்தலை சந்திக்க வாய்ப்பு இருப்பதாகவும் கூறப்படுகிறது.