Valentine's day: பேக்கரியில் காதலர் தின ஆஃபர்.. கையில் மாங்கல்ய கயிறுடன் வந்த இந்து முன்னணியினர்!

மேலும் படிக்க: காதலர் தின வாழ்த்துக்களை பகிர வார்த்தைகள் வேண்டுமா? இதோ உங்களுக்காக இங்கே

இந்து முன்னணி மாவட்ட பொதுச் செயலாளர் அக்னி பாலா தலைமையில் திரண்ட இந்து முன்னணியினர், கையில் மாங்கல்ய கயிறுடன் பேக்கரி வாசலில் நின்று கொண்டனர். காதலர்கள் யாராவது வந்தால், அவர்களை மணம் முடிக்க வைப்பது தான் அவர்களின் திட்டம். இந்து முன்னணியினரின் இந்த திடீர் வருகையால், பேக்கரி அமைந்துள்ள பகுதி பதட்டமாக மாறியது. இதைத் தொடர்ந்து, காரைக்குடி வடக்கு காவல் நிலையத்திற்கு தகவல் தெரிவிக்கப்பட்டு, போலீசார் அங்கு வந்து சேர்ந்தனர். 

அங்கிருந்த இந்து முன்னணியினரிடம் போலீசார் சமரச பேச்சு வார்த்தை நடத்திய நிலையில், சம்மந்தப்பட்ட விளம்பரத்தை அகற்றினால் மட்டுமே சமரசம் என்று அவர்கள் கறாராக கூறினர். இதைத் தொடர்ந்து, பேக்கரியாளரிடம் பேசிய போலீசார், சம்மந்தப்பட்ட காதலர் தின விளம்பரத்தை அகற்ற வைத்தனர். 

மேலும் படிக்க: காதலர்கள் தங்கள் நெருக்கத்தை அதிகரிக்க என்ன செய்ய வேண்டும்? இதோ உங்களுக்காக தான் இவை!

அதன் பின், ‘இது  போன்ற விளம்பரத்தை வைக்க கூடாது என்றும், காதலர்களை ஊக்குவிக்க கூடாது’ என்றும் இந்து முன்னணியினர், கடைக்கார்களிடம் வலியுறுத்தினர். கலாசாரத்தை மீறுவதை ஏற்கமுடியாது என்றும் ,அவர்கள் தெரிவித்தனர். அவர்களின் கோரிக்கை நிறைவேற்றப்பட்டதால், அதன் பின் அங்கிருந்து புறப்பட்டுச் சென்றனர். 

மேலும் படிக்க: காதலர் தினத்தின் வரலாறும்.. அதன் முக்கியத்துவமும் அறிந்து கொள்ள வேண்டுமா? இங்கே படிக்கலாம்.

காதலர் தின ஆஃபரை எதிர்த்து, காரைக்குடியின் பிரதான பேக்கரில் இந்து முன்னணியினர் திரண்டு வந்து போராட்டம் நடத்திய சம்பவம், அங்கு பரபரப்பை ஏற்படுத்தியது. இந்த களேபரத்தால், சம்மந்தப்பட்ட பேக்கரியின் வியாபாரம் சிறிது நேரம் பாதிக்கப்பட்டது.