‘யார் நலனுக்காக உச்சநீதிமன்றம் போனீர்கள்?’ தமிழக அரசுக்கு உயர்நீதிமன்றம் கண்டனம்!

உச்ச நீதிமன்றம் இன்று வழக்கு இடமாற்றம் தொடர்பான மனுவை விசாரிக்க உள்ளதாகத் மாநில அரசு வழக்கறிஞர், நீதிபதிகளிடம் தெரிவித்தார். இதுவரை உச்சநீதிமன்றம் எந்த உத்தரவும் பிறப்பிக்காத நிலையில், நாங்கள் ஏன் இதை விசாரணை நடத்தக் கூடாது என்று கேள்வி எழுப்பிய நீதிபதி, உயர் நீதிமன்றத்தில் தொடரப்பட்டுள்ள இந்த வழக்கு இன்று மதிய உணவு இடைவேளைக்குப் பிறகு விசாரணைக்கு எடுத்துக்கொள்ளப்படும் என்றும் நீதிபதி சுப்பிரமணியம் தெரிவித்தார்.

மேலும் படிக்க | RN Ravi Case: ஆளுநர் ரவிக்கு எதிரான தமிழக அரசு வழக்கு: தீர்ப்பு வழங்கிய உச்சநீதிமன்றம்! முழு தீர்ப்பு விபரம் இதோ!

வழக்கு கடந்து வந்த பாதை

சென்னை உயர்நீதிமன்ற நீதிபதிகள் எம்.எஸ்.ரமேஷ் மற்றும் என்.செந்தில்குமார் ஆகியோர் அடங்கிய டிவிஷன் பெஞ்ச், அமலாக்கத்துறை நடத்திய சோதனையை எதிர்த்து தமிழ்நாடு மாநில வாணிபக் கழகம் (டாஸ்மாக்) தாக்கல் செய்த மனுக்களை விசாரிப்பதில் இருந்து மார்ச் 25 அன்று விலகியது. முன்னதாக, டாஸ்மாக் மற்றும் மாநில அரசின் மனுக்கள் மார்ச் 25 அன்று உயர் நீதிமன்றத்தில் விசாரணைக்கு வந்தபோது, இந்த வழக்கை விசாரிப்பதில் இருந்து விலகுவதாக பெஞ்ச் கூறியது, ஆனால் எந்த காரணத்தையும் அவர்கள் குறிப்பிடவில்லை. 

இதற்கிடையில் இந்த வழக்கு, எஸ்.எம்.சுப்பிரமணியம் மற்றும் கே.ராஜசேகர் அடங்கிய அமர்வுக்கு மாற்றப்பட்டது. அவர்கள் இந்த வழக்கு விசாரணையை ஏப்ரல் 8 ம் தேதிக்கு ஒத்திவைத்த நிலையில், தமிழக அரசு மற்றும் டாஸ்மாக் சார்பில், வேறொரு அமர்வுக்கு வழக்கை மாற்ற தலைமை நீதிபதியிடம் முறையிடப்பட்டது. சம்மந்தப்பட்ட அமர்விடம் முறையிடுமாறு தலைமை நீதிபதி பெஞ்ச் அறிவுறுத்தியது. இதைத் தொடர்ந்து, உச்சநீதிமன்றத்தில் தமிழக அரசு சார்பில் ஒரு மனு தாக்கல் செய்யப்பட்டது. அந்த மனுவில், சென்னை உயர்நீதிமன்றத்தில் நடக்கும் டாஸ்மாக் விசாரணையை, வேறு நீதிமன்றத்திற்கு மாற்ற கோரிக்கை வைக்கப்பட்டது. 

மேலும் படிக்க | ‘சிறுபான்மையினருக்கு குரல் கொடுக்கும் போது ஊழல் குற்றச்சாட்டு சுமத்த முயற்சி’ என்.ஆர்.இளங்கோ குமுறல்!

மனுவை ஏற்றுக்கொண்ட உச்சநீதிமன்றம்

தலைமை நீதிபதி சஞ்சீவ் கண்ணா, நீதிபதிகள் சஞ்சய் குமார், கே.வி.விஸ்வநாதன் ஆகியோர் அடங்கிய அமர்வு, உயர் நீதிமன்றத்தில் அடுத்த விசாரணைக்கு முன்னதாக இந்த மனுவை அவசரமாக விசாரிக்க வேண்டும் என்று மாநில அரசு சார்பில் ஆஜரான மூத்த வழக்கறிஞர் விக்ரம் சவுத்ரி சமர்ப்பித்த சமர்ப்பிப்புகளை வெள்ளிக்கிழமை கவனத்தில் கொண்டது. வரும் 8ஆம் தேதி அன்று இந்த மனு விசாரணைக்கு வரும் என எதிர்பார்க்கப்படுகிறது.

அரசியல் சாசனத்தின் 139 ஏ பிரிவின் கீழ் தமிழக அரசு இந்த மனுவை தாக்கல் செய்துள்ளது. ஒரு வழக்கை ஒரு உயர் நீதிமன்றத்திலிருந்து மற்றொரு நீதிமன்றத்திற்கு மாற்ற இந்த விதி உச்ச நீதிமன்றத்திற்கு அதிகாரம் அளிக்கிறது. அதை பட்டியலிடுவோம் என்றார் தலைமை நீதிபதி.

உயர்நீதிமன்றத்தில் நடந்தது என்ன?

கடந்த மாத தொடக்கத்தில் டாஸ்மாக் வளாகத்தில் சோதனை நடத்திய அமலாக்கத் துறைக்கு, டாஸ்மாக் நிறுவனத்திற்கு எதிராக நம்பியிருக்கும் பிற ஆதாரங்களுடன் எஃப்.ஐ.ஆர் மற்றும் அமலாக்க வழக்கு தகவல் அறிக்கையின் (ஈ.சி.ஐ.ஆர்) நகல்களை சமர்ப்பிக்குமாறு உயர் நீதிமன்றம் மார்ச் 20 அன்று உத்தரவிட்டது.

டாஸ்மாக் தலைமையகத்தில் மேற்கொண்டு சோதனை நடத்த வேண்டாம் என்று அமலாக்கத் துறைக்கு வாய்மொழியாக உத்தரவிட்ட உயர் நீதிமன்றம், மதுபான சில்லறை விற்பனையாளர் மற்றும் மாநில அரசு தாக்கல் செய்த மனுக்களை மார்ச் 25 ஆம் தேதிக்கு ஒத்திவைத்தது.

அமலாக்கத் துறையின் கூற்றுப்படி, டிஸ்டில்லரி நிறுவனங்கள் மற்றும் பாட்டிலிங் நிறுவனங்கள் சம்பந்தப்பட்ட கடுமையான நிதி மோசடி கணக்கில் வராத பணம் மற்றும் சட்டவிரோத கொடுப்பனவுகள் மூலம் கண்டறியப்பட்டுள்ளது.

விசாரணை என்ற போர்வையில் தனது ஊழியர்களை துன்புறுத்தக் கூடாது என்று அமலாக்கத்துறைக்கு உத்தரவிடக் கோரி டாஸ்மாக் தனது மனுவில் கோரியிருந்தது. மாநிலத்தின் பிராந்திய எல்லைக்குள் குற்றத்தை விசாரிக்கும் அமலாக்கத் துறையின் நடவடிக்கை கூட்டாட்சி தத்துவத்தை மீறும் செயல் என்று அறிவிக்கவும் அது கோரியது.