Gold Price Today: பட்ஜெட் நாளிலும் ஏற்றம்.. புதிய உச்சத்தை தொடும் தங்கம் விலை - இன்றைய நிலவரம் என்ன?
Published Feb 01, 2025 11:14 AM IST
Gold Price Today: மத்திய பட்ஜெட் தாக்கல் செய்யப்படும் நாளான இன்று தங்கம் விலை கிடுகிடுவென உயர்ந்துள்ளது. சென்னையில் ஆபரண தங்கத்தின் விலை புதிய உச்சத்தை தொட்டுள்ளது
பட்ஜெட் நாளிலும் ஏற்றம்.. புதிய உச்சத்தை தொடும் தங்கம் விலை - இன்றைய நிலவரம் என்ன?
சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நாள்தோறும் நிர்ணயம் செய்யப்படுகிறது. இந்தச் சூழலில் அமெரிக்க அதிபராக டிரம்ப் பதவியேற்ற நிலையில் பங்குச்சந்தைகளில் சரிவு ஏற்பட்டது.
இதைத்தொடர்ந்து முதலீட்டாளர்கள் பாதுகாப்பு கருதி தங்கத்தில் அதிக முதலீடு செய்யத் தொடங்கியுள்ளனர். இதனால் தங்கம் விலை முன் எப்போதும் இல்லாத வகையில் புதிய உச்சத்தை அடைந்து வருகிறது.
அதன்படி, சென்னையில் கடந்த சில நாட்களாக 22 கேரட் ஆபரணத் தங்கத்தின் விலையில் ஏற்றம் இறக்கமாக காணப்பட்டது. இந்த மாதத்தின் தொடக்க நாளான இன்று மத்திய பட்ஜெட் தாக்கல் செய்யப்படும் நிலையில், தங்கம் விலை கிராமுக்கு ரூ. 15,சவரனுக்கு ரூ.120 அதிகரித்துள்ளது.