’அரசியலுக்கு வந்து உள்ள தவெக தலைவர் விஜய் பத்திரிகையாளர் சந்திப்புகளை நடத்த வேண்டும்’ அண்ணாமலை அறிவுரை!

"சட்டம்-ஒழுங்கு சீர்கேடு; மக்கள் அச்சத்தில் வாழ்கின்றனர்"

அண்ணாமலை தனது செய்தியாளர்கள் சந்திப்பில், "கொங்கு பகுதியில் முதல்வர் கவனம் செலுத்த வேண்டும். 4 கொலை வழக்குகளை சிபிஐ விசாரிக்க உத்தரவிட வேண்டும். எத்தனை காலம் மக்கள் அச்சத்துடன் வாழ முடியும்?" என்று கேள்வி எழுப்பினார். காவல் துறையினர் சிறப்பாக செயல்படாமல், சிசிடிவி கேமராக்கள் பொருத்தப்படாததால் குற்றங்கள் நடப்பதாகவும், குற்றங்களுக்கு மக்கள் மீது பழி திருப்பப்படுவதாகவும் குற்றம்சாட்டினார்.  

"அதிமுக-பாஜக கூட்டணி குறித்து முதல்வருக்கு பயம்"

அதிமுக-பாஜக கூட்டணி குறித்து முதல்வர் ஸ்டாலின் "காலை முதல் மாலை வரை பேசி வருகிறார். இந்த கூட்டணியை கண்டு முதல்வருக்கு ஏன் பயம்?" என்று அண்ணாமலை கேள்வி எழுப்பினார். இந்த கூட்டணி திமுகவை வீழ்த்துவதற்காக அல்ல, மாறாக "சிறப்பான ஆட்சியை வழங்குவதற்காக" உருவாக்கப்பட்டதாகவும் தெரிவித்தார். மேலும், பாஜக தமிழகத்தில் பலவீனமாக உள்ளதாக முதல்வர் கூறுவது தவறு எனவும், தமிழக அரசியல் "ஓபன் பீல்டு" ஆக உள்ளதாகவும் குறிப்பிட்டார்.

மேலும் படிக்க:- ’யார் அந்த முட்டாள்?’ அமைச்சர் மா.சுப்பிரமணியன் குறித்த கேள்விக்கு பாஜக மூத்த தலைவர் ஹெச்.ராஜா பதில்!

விஜய்யின் அரசியல் வரவேற்பு

நடிகர் விஜய்யின் அரசியல் பிரவேசத்தை வரவேற்பதாகக் கூறிய அண்ணாமலை, "விஜய் தனது திட்டங்களை மக்களிடம் தெளிவாக விளக்க வேண்டும். இதற்காக பத்திரிகையாளர் சந்திப்புகளை நடத்த வேண்டும்" என்று அறிவுறுத்தினார். மேலும், தமிழகத்தில் பாஜக உள்ளிட்ட எந்த கட்சியும் ஆட்சிக்கு வருவதற்கு சாதகமான சூழல் நிலவுவதாகவும் கூறினார்.

ஜாதி கணக்கெடுப்பு குறித்த கருத்து

மத்திய அரசு ஜாதி வாரியாக கணக்கெடுப்பு நடத்தினால், "இந்தியாவில் ஜாதி அடிப்படையிலான அரசியல் மறைந்துவிடும்" என்று அண்ணாமலை தெரிவித்தார்.

மேலும் படிக்க:- ’TTF வாசன் மீது உள்ள வழக்குகளின் எண்ணிக்கை எவ்வளவு? காவல்துறைக்கு நீதிமன்றம் கேள்வி!’