Erode East Election Update: ஈரோடு கிழக்கில் களமிறங்கும் விஜய பிரபாகரன்! விசி.சந்திர குமாரை வீழ்த்த வியூகம்!

வி.சி.சந்திர குமார் போட்டி

ஈரோடு கிழக்கு தொகுதியில் திமுகவே நேரடியாக போட்டியிடும் என்று காங்கிரஸ் கட்சி நேற்று அறிவித்த நிலையில், திமுக வேட்பாளாராக வி.சி.சந்திரகுமாரை, முதலமைச்சர் மு.க.ஸ்டாலின் இன்று அறிவித்தார்.

இதனிடையே இடைத்தேர்தலில் போட்டியிடுவது குறித்து அதிமுக முக்கிய நிர்வாகிகள் உடன் அக்கட்சியின் பொதுச்செயலாளர் எடப்பாடி பழனிசாமி ஆலோசனை செய்கிறார். இதற்கு முன்பு நடந்த விக்கிரவாண்டி இடைத்தேர்தலை அதிமுக மற்றும் தேமுதிக ஆகிய கட்சிகள் புறக்கணித்து இருந்தன.

சந்திரக்குமாருக்கு போட்டியாக விஜயபிரபாகரன்!

தேமுதிகவில் இருந்து விலகி வந்த வி.சி.சந்திரகுமாரை திமுக களம் இறக்கி உள்ளது. அவருக்கு போட்டியாக விஜயகாந்தின் மகன் விஜய பிரபாகரனை களமிறக்க ஆலோசனை நடப்பதாக தகவல்கள் வெளியாகி உள்ளது.