'தமிழ்நாடு இதுல தான் நம்பர் 1..' ஸ்டாலினின் ஆட்சி மீது கேள்வி கணைகளை வீசும் இபிஎஸ்!
தமிழ்நாட்டில் அந்நிய முதலீடு குறைந்து வருவதை புள்ளி விவரங்களுடன் சுட்டிக்காட்டி தமிழ்நாடு எதிர்கட்சித் தலைவர் எடப்பாடி பழனிசாமி திமுக அரசை சாடியுள்ளார்.
தமிழ்நாட்டில் அந்நிய முதலீடு குறைந்து வருவதை புள்ளி விவரங்களுடன் சுட்டிக்காட்டி தமிழ்நாடு எதிர்கட்சித் தலைவர் எடப்பாடி பழனிசாமி திமுக அரசை சாடியுள்ளார். இதுதொடர்பாக அவர் வெளியிட்ட அறிக்கையில், கொரோனா காலகட்டத்தில் கூட, இந்தியாவின் வளர்ச்சி எதிர்மறையாக இருந்த சமயத்தில் தமிழ்நாட்டில் வளர்ச்சி நேர்மறையாக இருந்தது. அப்போது,யாரும் தமிழக பத்திரிகைகளில் முதல் பக்க விளம்பரம் கொடுத்துக் கொள்ளவில்லை என்றும் குறிப்பிட்டு விமர்சித்துள்ளார்.
அம்பலப்படுத்தும் நிதியாண்டு தரவுரகள்
அந்த அறிக்கையில், " முதலமைச்சர் ஸ்டாலின், உலக நாடுகளுக்கு முதலீட்டை ஈர்க்கச் செல்கிறேன் என்று கூறி சுற்றுலா சென்று, தமிழ் நாடு “நம்பர் ஒன்” மாநிலம் என்று வெற்று விளம்பரங்களில் உயர்த்திப் பிடிக்கும் உங்கள் குடும்ப ஆட்சி, அந்நிய முதலீடுகளில் (FDI) மாநிலத்தை பின்னடைவின் பிடியில் தள்ளியுள்ளது என்பதை தொழில் மற்றும் உள்நாட்டு வர்த்தகத்தை மேம்படுத்துவதற்கான துறையின் (DPIIT) 2024-25 நிதியாண்டு தரவுகள் அம்பலப்படுத்துகின்றன.
ஈர்த்த முதலீடுகள் எவ்வளவு?
ஆட்சிக்கு வந்தவுடன் முதலீட்டை ஈர்க்கிறேன்' என்று முதலமைச்சர் 2022-ல் துபாய் மற்றும் ஐக்கிய அரேபிய எமிரேட்ஸ் நாடுகளுக்குச் சென்று ஈர்த்த முதலீடுகள் என்ன ? லூலூ மால், நோபுள் ஸ்டீல் என தொடக்கமே ஏமாற்று மாடல்தான்.. 2023-ல் சிங்கப்பூர் மற்றும் ஜப்பான் நாடுகள், 2024 பிப்ரவரியில் ஸ்பெயின், 2024 செப்டம்பரில் அமெரிக்கா சுற்றுப் பயணம் என்று விளம்பரங்கள் செய்து, 4 முறை வெளிநாட்டுப் பயணம் மேற்கொண்டு ஈர்த்த முதலீடுகள் எவ்வளவு ?