‘திருப்பூர் பின்னலாடை ஏற்றுமதி தொழிலுக்கு நிவாரணம்’ பிரதமருக்கு எடப்பாடி பழனிசாமி வைத்த கோரிக்கை!

அமெரிக்காவிற்கு அப்பால் ஏற்றுமதி இடங்களை பன்முகப்படுத்த மத்திய அரசு எடுத்து வரும் முயற்சிகளை நான் மனதாரப் பாராட்டுகிறேன், அதே நேரத்தில் உடனடி நிவாரண நடவடிக்கைகளுக்கான அவசரத் தேவைகளை உங்கள் கவனத்திற்குக் கொண்டுவருகின்றேன்

இந்தச் சூழலில், பின்வரும் அவசரத் தலையீடுகளை அரசாங்கம் பரிசீலிக்க வேண்டும் என்று நான் கேட்டுக்கொள்கின்றேன்:

1. இழப்பீடுகள் மற்றும் சலுகைகள்:

கடுமையான கட்டண உயர்வால் ஏற்படும் திடீர் போட்டித்தன்மை இழப்பை ஈடுசெய்ய இழப்பீடுகள் அல்லது ஏற்றுமதி ஊக்கத்தொகைகள் வடிவில் நிதி நிவாரணம் வழங்குதல்.

2. பருத்தி நூல் மீதான வரி குறைப்பு:

உற்பத்திச் செலவைக் குறைக்க பருத்தி நூலின் வரி விகிதங்களில் நிவாரணம் அறிமுகப்படுத்துதல், இதன் மூலம் இந்திய பின்னலாடை சர்வதேச சந்தைகளில் போட்டித்தன்மையுடன் இருக்க உதவுகிறது.

3. கடன் மறுசீரமைப்பு மற்றும் வட்டி நிவாரணம்:

MSME நிறுவனங்கள் எதிர்கொள்ளும் நிதி நெருக்கடியைக் குறைக்க, நிலுவைத் தொகையை குறைந்தது ஆறு மாதங்களுக்கு ஒத்திவைத்து, நிலுவையில் உள்ள கடன்களுக்கான வட்டி மீதான நிவாரணத்துடன் கடன் திருப்பிச் செலுத்துதலை மறுசீரமைக்க வங்கிகளுக்கு உத்தரவுகளை வழங்குதல்.

இது தொடர்பாக ஏற்கனவே எடுக்கப்பட்ட நடவடிக்கைகளுக்கு நன்றி தெரிவிக்கும் அதே வேளையில், கணிசமான ஊக்குவிப்பு நடவடிக்கைகளுடன் மற்ற சாத்தியமான நாடுகளுக்கு ஜவுளி ஏற்றுமதியை எளிதாக்குவதற்கான முயற்சிகளை தீவிரப்படுத்துமாறு அரசாங்கத்தை கேட்டுகொள்கின்றேன்,

என்று அந்த கடிதத்தில் எடப்பாடி பழனிசாமி வலியுறுத்தியுள்ளார்.