Fact Check : குலதெய்வ வழிபாட்டை தடை செய்ய வேண்டும் என ஆளுநர் ரவி கூறினாரா? உண்மை என்ன? இதோ பாருங்க!

உண்மை அறிவோம்:

கள்ளக்குறிச்சியில் கள்ளச்சாராயம் குடித்து 57 பேர் உயிரிழந்துள்ளனர். இது தொடாபாக ஆளுங்கட்சி, எதிர்க்கட்சியினர் என அனைவர் மீதும் குற்றச்சாட்டுக்கள் எழுந்தவண்ணம் உள்ளன. இந்த நிலையில் சாராய விற்பனைக்கு காரணம் சிறு தெய்வ வழிபாடுதான் என்று கூறி அதை நிறுத்த வேண்டும் என்று ஆளுநர் ரவி கூறியதாக ஒரு நியூஸ் கார்டு சமூக ஊடகங்களில் பகிரப்பட்டு வருகிறது. பார்க்கும் போதே இது போலியானது என்று தெரிந்தாலும் ஆதாரங்கள் அடிப்படையில் உறுதி செய்ய ஆய்வு செய்தோம்.

முதலில் இப்படி ஒரு கருத்தை ஆளுநர் வெளியிட்டாரா, அது தொடர்பாக செய்தி வெளியாகி உள்ளதா என்று தேடிப் பார்த்தோம். அப்படி எந்த ஒரு செய்தியும் கிடைக்கவில்லை. இந்த விவகாரம் தொடர்பாக அவர் கருத்து எதையும் வெளியிடவில்லை என்பது தெரிந்தது. ஆளுநரிடம் புகார் அளிக்கச் சென்ற பாஜக நிர்வாகிகளிடம் ஆளுநர் ஏதேனும் தெரிவித்துள்ளாரா என்று தேடிப் பார்த்தோம். தமிழிசை அளித்த பேட்டியில் ஆளுநர் எதையும் கூறியுதாக குறிப்பிடவில்லை.

சரி இந்த நியூஸ் கார்டை பாலிமர் வெளியிட்டதா என்று அறிய அதன் ஃபேஸ்புக் உள்ளிட்ட சமூக ஊடகம், இணையதள பக்கங்களை பார்த்தோம். நமக்கு அப்படி எந்த ஒரு பதிவும் கிடைக்கவில்லை. எனவே, இந்த நியூஸ் கார்டை பாலிமர் டிவி ஆசிரியர் குழுவுக்கு வாட்ஸ்-அப் மூலம் அனுப்பினோம். அவர்களும் இது போலியானது என்று உறுதி செய்தனர்.

இந்த ஆதாரங்கள் அடிப்படையில் நாம் ஆய்வுக்கு எடுத்துக்கொண்ட பதிவு தவறானது என்று உறுதி செய்யப்படுகிறது.

முடிவு:

சாராய சாவுகளுக்கு காரணமான சிறு தெய்வ வழிபாட்டை தடை செய்ய வேண்டும் என்று ஆர்.என்.ரவி கூறியதாக பரவும் நியூஸ் கார்டு போலியானது என்பதை தகுந்த ஆதாரங்கள் அடிப்படையில் ஃபேக்ட் கிரஸண்டோ தமிழ் உறுதி செய்துள்ளது. எனவே, நமது வாசகர்கள், இத்தகைய தவறான செய்தி, புகைப்படங்கள், வீடியோ போன்றவற்றை உறுதி செய்யாமல் மற்றவர்களுக்குப் பகிர வேண்டாம் என கேட்டுக் கொள்கிறோம். 

பொறுப்புத் துறப்பு

 இந்தச் செய்தி முதலில் Fact Crescendo-இல் வெளியிடப்பட்டது மற்றும் சக்தி கலெக்டிவின் ஒரு பகுதியாக HT Digital ஆல் மறுபிரசுரம் செய்யப்பட்டது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.