Coimbatore: பொள்ளாச்சி பாலியல் வழக்கு.. காவல் ஆய்வாளர், மருத்துவர் நேரில் ஆஜராக கோவை மகிளா நீதிமன்றம் உத்தரவு

இதுவரைக்கும் அரசு தரப்பில் சொல்லப்பட்ட குற்றச்சாட்டுக்கு எதுவும் மறுப்புத் தெரிவிக்கும் வகையில், சாட்சிகள் ஏதேனும் இருக்கின்றதா என்பது தொடர்பான வாய்ப்பு வழங்கல் தான் விசாரணையில் பிரதானமாக இருந்தது. இன்றைய விசாரணையில் குற்றம்சாட்டப்பட்ட 9 பேரில் 7 பேருக்கு எந்த சாட்சியங்களும் இல்லை எனக் கூறப்பட்டிருந்தது.

மேலும் படிக்க: சட்டவிரோத பணப்பரிமாற்ற வழக்கு.. செந்தில் பாலாஜியின் சகோதரர் நேரில் ஆஜர்.. பிணைதொகையை கட்டச்சொல்லி வழக்கு ஒத்திவைப்பு

குற்றம்சாட்டப்பட்ட இருவர் தரப்பு சார்பிலான விசாரணையில் உத்தரவு

இந்த வழக்கில் 5ஆவதாக குற்றம்சாட்டப்பட்ட மணிவண்ணன், ஆறாவதாக குற்றம்சாட்டப்பட்ட பாபு ஆகிய இருவர் தரப்பில் தங்களிடம் சாட்சிகள் இருப்பதாகவும், தங்கள் பக்கம் இருக்கும் நியாயத்தை விசாரிக்கும்படியும் மனுதாக்கல் செய்திருந்தனர்.

அந்த மனுவில் பொள்ளாச்சி கிழக்கு காவல் நிலைய ஆய்வாளர் மற்றும் பொள்ளாச்சி அரசு மருத்துவமனை இருப்பிட மருத்துவ அலுவலர் வழக்கு சம்பந்தமான ஆவணங்களை சமர்ப்பித்து, அவர்களையும் ஆஜர் செய்யவேண்டும் எனக் கேட்டுக்கொண்டனர்.

மேலும் இவ்வழக்கு தொடர்பான இன்னொரு வழக்கு கடந்த 2021ஆம் ஆண்டே முடித்து வைக்கப்பட்டு இருந்திருந்தது.

மேலும் படிக்க: 'விரைவில் புதிய பாஜக மாநிலத் தலைவர்?’: நாளை சென்னை வரும் அமித் ஷா.. பாஜக நிர்வாகிகளுடன் ஆலோசித்து அறிவிப்பார் என தகவல்

மேலும் படிக்க: சட்ட விரோத பணப்பரிமாற்ற தடைச்சட்ட வழக்கு: தலைமறைவாக இருந்த செந்தில் பாலாஜியின் சகோதரர் நீதிமன்றத்தில் ஆஜர்!

வழக்கு ஒத்திவைப்பு எப்போது?:

ஆனால் அந்த வழக்கின் எஃப்.ஐ.ஆர் மற்றும் அந்த வழக்கின் மருத்துவ ஆவணங்களைத் தாக்கல் செய்யுமாறும் தான் குற்றம்சாட்டம்பட்ட இருவர் சார்பில் மனுதாக்கல் செய்யப்பட்டு இருந்தது. அந்த மனு மீது கோவை மகிளா நீதிமன்றம் உத்தரவு பிறப்பித்து இருக்கிறது.

இந்த உத்தரவில் சம்பந்தப்பட்ட முதல் தகவல் அறிக்கை பதிந்த அலுவலர்கள், காவல் ஆய்வாளர் மற்றும் பொள்ளாச்சி அரசு மருத்துவமனையின் இருப்பிட மருத்துவ அலுவலர் நேரில் ஆஜராகி, அந்த ஆவணங்களை நேரில் சமர்ப்பிக்கவேண்டும் என நீதிமன்றம் உத்தரவு பிறப்பித்துள்ளது.

சிபிஐ விசாரிக்கும் இவ்வழக்கின் அடுத்த விசாரணை வரும் ஏப்ரல் 15ம் தேதிக்கு ஒத்திவைத்தார், நீதிபதி நந்தினி