கேம்பிரிட்ஜ் பல்கலைக்கழகத்தில் திராவிட இயக்க ஆய்வு! 11 கோடி ரூபாய் கொட்டி கொடுத்த சபரீசன்!

திராவிட இயக்கத்தை உலகளவில் பரப்பும் முயற்சி

சபரிசன், டைம்ஸ் ஆஃப் இந்தியாவிடம் பேசுகையில், “திராவிட இயக்கத்தை உலகளவில் கொண்டு செல்வதற்கு இதுவே சரியான தருணம். சமூக நீதி இயக்கம் நூறு ஆண்டுகளுக்கு மேல் பழமையானது. இதேவேளையில், கலைஞரின் நூற்றாண்டு விழாவையும் கொண்டாடி வருகிறோம். இந்த முனைவர் பட்ட உதவித்தொகை, இந்தியா உட்பட உலகளவிலான மாணவர்களை இலக்காகக் கொண்டது,” என்றார். இந்த உதவித்தொகை தொடர்பான முறையான அறிவிப்பு, கேம்பிரிட்ஜ் பல்கலைக்கழகத்துடனான ஒப்பந்தம் கையெழுத்தாகிய பின்னர், இரண்டு வாரங்களில் வெளியாகும் என எதிர்பார்க்கப்படுகிறது.

கேம்பிரிட்ஜ் பல்கலைக்கழகத்தின் பங்களிப்பு

கேம்பிரிட்ஜ் பல்கலைக்கழகத்தின் வரலாறு மற்றும் அரசியல் துறைப் பேராசிரியரான ஷ்ருதி கபிலா, இது குறித்து கூறுகையில் “இந்த உதவித்தொகை தொடர்பான விவாதங்கள் நடைபெற்று வருகின்றன. இந்த மாத இறுதியில் இது குறித்து விரிவாகப் பேசுவது சிறந்தது,” என்றார். இந்த முனைவர் பட்ட ஆய்வு அவரது துறையின் கீழ் நடைபெறும் என்பது குறிப்பிடத்தக்கது.

மேலும் படிக்க:- ’இனி நாம் போகும் பாதை சிங்கப்பாதை!’ திருச்சியில் முதலமைச்சர் மு.க.ஸ்டாலின் சூளுரை!

திராவிட இயக்கத்தின் உலகளாவிய தாக்கம்

திராவிட இயக்கம், சமூக நீதி, சமத்துவம், மற்றும் சுயமரியாதை ஆகியவற்றை அடிப்படையாகக் கொண்டு, தமிழ்நாட்டின் அரசியல், சமூக, மற்றும் கலாசார வரலாற்றில் முக்கிய பங்கு வகித்துள்ளது. இந்த இயக்கத்தின் கொள்கைகளை ஆய்வு செய்யும் இந்த உதவித்தொகை, உலகளவில் திராவிட இயக்கத்தின் முக்கியத்துவத்தை வெளிச்சம்போட்டு, சர்வதேச அரங்கில் அதன் தாக்கத்தை விரிவுபடுத்தும் என எதிர்பார்க்கப்படுகிறது.

மேலும் படிக்க:- வேலூர் உள்ளிட்ட இடங்களில் ED ரெய்டு! 4.73 கோடி சிக்கியது! அரசு அதிகாரிகளுக்கு தலைவலி!