நில அபகரிப்பு வழக்கு: ’அமைச்சர் மா.சுப்பிரமணியன் நேரில் ஆஜராகாவிட்டால்…!’ நீதிமன்றம் எச்சரிக்கை

மேலும் படிக்க:- ’TTF வாசன் மீது உள்ள வழக்குகளின் எண்ணிக்கை எவ்வளவு? காவல்துறைக்கு நீதிமன்றம் கேள்வி!’

"போலி ஆவணங்கள் மூலம் நில அபகரிப்பு"

சென்னை கிண்டியில் உள்ள தொழிலாளர் காலனியில், எஸ்.கே. கண்ணன் என்பவருக்கு ஒதுக்கப்பட்ட சிட்கோ நிலத்தை, மா.சுப்பிரமணியன் சென்னை மாநகர மேயராக இருந்தபோது, தனது அதிகாரத்தை தவறாகப் பயன்படுத்தி, போலி ஆவணங்கள் மூலம் தனது மனைவி காஞ்சனாவின் பெயருக்கு மாற்றியதாக சைதாப்பேட்டையைச் சேர்ந்த பார்த்திபன் என்பவர் சென்னை உயர்நீதிமன்றத்தில் வழக்கு தொடர்ந்தார். "இந்த வழக்கில், போலி ஆவணங்கள் தயாரித்தல், ஏமாற்றுதல், கூட்டு சதி மற்றும் ஊழல் தடுப்பு சட்டத்தின் கீழ் மா.சுப்பிரமணியன் மற்றும் காஞ்சனா மீது வழக்கு பதிவு செய்யப்பட்டது" என நீதிமன்ற ஆவணங்கள் தெரிவிக்கின்றன.

மேலும் படிக்க:- ’யார் அந்த முட்டாள்?’ அமைச்சர் மா.சுப்பிரமணியன் குறித்த கேள்விக்கு பாஜக மூத்த தலைவர் ஹெச்.ராஜா பதில்!

"நேரில் ஆஜராக உத்தரவு; இறுதி எச்சரிக்கை"

எம்பி, எம்எல்ஏ-க்கள் மீதான குற்ற வழக்குகளை விசாரிக்கும் சென்னை சிறப்பு நீதிமன்றத்தில் இந்த வழக்கு நிலுவையில் உள்ளது. ஏற்கனவே, வழக்கை ரத்து செய்யக் கோரிய மனுவை சென்னை உயர்நீதிமன்றம் தள்ளுபடி செய்திருந்த நிலையில், குற்றச்சாட்டு பதிவு நடவடிக்கைகளுக்காக மா. சுப்பிரமணியன் மற்றும் காஞ்சனா நேரில் ஆஜராக வேண்டும் என நீதிமன்றம் உத்தரவிட்டிருந்தது. ஆனால், இன்றைய விசாரணையின்போது இருவரும் ஆஜராகவில்லை. "மே 23, 2025 அன்று இருவரும் கட்டாயம் நேரில் ஆஜராக வேண்டும், இல்லையெனில் குற்றச்சாட்டு பதிவு செய்யப்படும்" என நீதிபதி ஜெயவேல் எச்சரித்தார். மேலும், "இனி கால அவகாசம் வழங்கப்படாது" என உறுதியாகத் தெரிவித்து, வழக்கு விசாரணையை மே 23-ஆம் தேதிக்கு தள்ளிவைத்தார்.

மேலும் படிக்க:- ‘மனநலம் பாதிக்கப்பட்டவர் போல் செயல்படும் மதுரை ஆதீனத்தை பதவிநீக்கம் செய்ய வேண்டும்’ இந்து மக்கள் கட்சி கோரிக்கை!