செயின் பறிப்பில் ஈடுபட்ட ஈரானிய கொள்ளைக் கும்பல் பிடிபட்டது எப்படி? நடந்தது என்ன? - சென்னை கமிஷனர் அதிரடி விளக்கம்!

நகைப்பறிப்பு சம்பவங்கள் தொடர்பாக தகவல் வந்தவுடன் சோதனை தொடங்கப்பட்டது. 100க்கும் மேற்பட்ட சிசிடிவி கேமராக்களை ஆய்வு செய்தே வழிப்பறி கொள்ளையர்களை நெருங்கினோம். விமானத்தில் பயணிக்க கடைசி நேரத்தில் யாரேனும் டிக்கெட் வாங்கினார்களா என்று விசாரணையை துவங்கினோம்.

மேலும் படிக்க | Amit Shah vs EPS: அமித்ஷாவை சந்தித்தது ஏன்?.. பாஜக - அதிமுக கூட்டணி பற்றி பேச்சா?.. டெல்லியில் ஈபிஎஸ் அளித்த பேட்டி!

செயின் பறிப்பில் ஈடுபடுவதற்காக நேற்று அதிகாலையில்தான் இருவர் சென்னை வந்துள்ளனர். 3ஆவது நபர் முன்கூட்டியே சென்னை வந்து அனைத்து பகுதிகளையும் நோட்டமிட்டு தகவல் கொடுத்துள்ளார். அவர்கள் குற்றச்செயலுக்குப் பயன்படுத்திய பைக்கை அடையாளம் காட்ட தரமணி ரயில் நிலையம் அருகே அழைத்து சென்றோம். அப்போது அங்கே அவர்கள் பதுக்கி வைத்திருந்த கைத்துப்பாக்கியை எடுத்து காவல்துறையினர் மீது சுட்டனர்.

மேலும் படிக்க | சென்னையில் 1 மணி நேரத்தில் அடுத்தடுத்து செயின் பறிப்பு.. விமானத்தில் தப்ப முயன்ற கொள்ளையர்களை கொத்தாக தூக்கிய போலீஸ்!

போலீசாரை நோக்கி இரண்டு முறை கொள்ளையர் சுட்டதில், காவல்துறை வாகனத்தின் மீது குண்டு பாய்ந்தது. தற்காப்புக்காக ஒருமுறை மட்டுமே காவல்துறையினர் சுட்டதில் ஈரானிய கொள்ளைக் கும்பலைச் சேர்ந்த வடமாநில கொள்ளையன் ஜாஃபர் இரானி என்பவர் உயிரிழந்தார். கொள்ளையர்கள் உடைகளை மட்டும் மாற்றிக்கொண்டார்கள். ஷூவை மாற்றவில்லை அதை வைத்து எளிதாக அவர்களை அடையாளம் காண முடிந்ததது. மேலும், ரயிலில் தப்பிச் சென்ற ஒருவரை ஆந்திர மாநிலம் ஓங்கோலில் வைத்து போலீசார் கைது செய்தனர்.

இந்த குற்றச் சம்பவங்களில் ஈடுபட்டவர்கள் ஈரானிய கொள்ளைக் கும்பலைச் சேர்ந்த கொள்ளையர்கள் என்பதும் மகாராஷ்டிர மாநிலம் தாணே அருகே உள்ள அம்பிவேலிப் பகுதியைச் சேர்ந்தவர்கள் என்பதும் தெரியவந்துள்ளது." இவ்வாறு அவர் தெரிவித்துள்ளார்.