Crime News: ‘பேஸ்புக் காதலனுக்காக தீக்குளிப்பு.. மாரடைப்பில் இறந்த மகன்.. மகளுடன் தூக்கிட்ட தாய்’ காலை ‘க்ரைம்’!

திருமணத்திற்கு முன், ஆவடியை சேர்ந்த 28 வயதான ஜெயக்குமார் என்கிற இளைஞருடன் பேஸ்புக் மூலம் முருகவேணிக்கு தொடர்பு இருந்திருக்கிறது. பின்னர் அது காதலாகவும் மாறியிருக்கிறது. விவாகரத்திற்குப் பின், அவர்கள் காதல் தொடர்ந்த நிலையில், தன்னை திருமணம் செய்து கொள்ளுமாறு முருகவேணி கேட்டுள்ளார். அதற்கு ஜெயக்குமார் மறுப்பு தெரிவிக்க, அவர்களுக்குள் தகராறு ஏற்பட்டுள்ளது. இதனால் மனம் உடைந்த வேணி, ஜெயக்குமார் வீட்டு முன் பெட்ரோல் ஊற்றி தீ வைத்துக் கொண்டார். 70 சதவீதம் காயங்களுடன் மருத்துவமனையி்ல அவர் அனுமதிக்கப்பட்டுள்ள நிலையில், ஆவடி போலீசார் விசாரணை நடத்தி வருகின்றனர்.

திருட்டில் ஈடுபட்ட பிரபல ரவுடி கைது

சென்னை வால்டாக்ஸ் சாலையில் தனியார் ஸ்டீல் நிறுவனத்தின் இருந்த 110 கிலோ எடை கொண்ட இரும்புத் தகடுகள் திருடு போயின. அதன் மதிப்பு ரூ.1 லட்சம் என்று கூறப்பட்டது. இது தொடர்பாக போலீசில் புகார் செய்யப்பட்டு, விசாரணை நடந்து வந்த நிலையில், பிரபல ரவுடியான பாலாஜி என்பவர், இந்த குற்றச் சம்பவத்தில் ஈடுபட்டது தெரியவந்தது. இதைத் தொடர்ந்து அவரை கைது செய்த போலீசார், அவரிடம் விசாரணை நடத்தி வருகின்றனர். கைதான ரவுக்கு தற்போது 37 வயதாகிறது.

மேலும் இது போன்ற க்ரைம் செய்திகள் உங்களுக்கு உடனுக்குடன் கிடைக்க, இந்துஸ்தான் டைம்ஸ் தமிழ் உடன் தொடர்ந்து இணைந்திருங்கள். மேலும் கூடுதல் விபரங்களுக்கு எங்களுடைய சமூக வலைதள பக்கங்களை தொடரலாம்.

இறந்த மகன்.. தற்கொலை செய்து கொண்ட தாய், தங்கை

திருநெல்வேலி மாவட்டம் தாழையூத்து அருகே உள்ள தென்களத்தைச் சேர்ந்தவர் 52 வயதான கிருஷ்ணன். திடீரென நேற்று இரவு மாரடைப்பால் கிருஷ்ணன் உயிரிழந்தார். அந்த துக்கம் தாங்க முடியாமல், அவரது தாயான 75 வயதான மூக்கம்மாள் என்பவரும், 32 வயதான சகோதரி மாலா என்பவரும், வீட்டில் தூக்கிட்டு தற்கொலை செய்து கொண்டனர். சம்பவம் அறிந்து வந்த போலீசார், அவர்களின் சடலத்தை கைப்பற்றி விசாரணை நடத்தி வருகின்றனர்.