Delimitation: 'ஸ்டாலின் அழைப்பை புறக்கணித்த ஆந்திர அரசியல் தலைவர்கள்!’ ஜகா வாங்கிய YSRCP, JSP கட்சிகள்! நடந்தது என்ன?

மேலும் படிக்க:- Revanth Reddy: ’தென்னிந்தியர்கள் இரண்டாம் தர குடிமக்களாக மாறும் அபாயம்!’ தெலங்கானா முதல்வர் ரேவந்த் ரெட்டி எச்சரிக்கை

மம்தா பானர்ஜிக்கு நேரில் அழைப்பு இல்லை

தொகுதி மறுசீரமைப்பு கூட்டத்தில் திரிணாமுல் காங்கிரஸ் கட்சித் தலைவரும், மேற்கு வங்க முதலமைச்சருமான மம்தா பானர்ஜிக்கு திமுக தரப்பில் நேரில் சென்று அழைப்பு விடுக்கப்படவில்லை.

ஆந்திராவில் இருந்து யாரும் வரவில்லை

ஆனால் ஆந்திர முன்னாள் முதலமைச்சர் ஜெகன்மோகன் ரெட்டியை அமைச்சர் எ.வ.வேலு நேரில் சந்தித்து அழைப்புவிடுத்தார். மேலும் சந்திரபாபு நாயுடுவின் தெலுங்கு தேசம் கட்சியின் மாநிலத் தலைவர் பெல்லா சீனிவாச ராவை சந்தித்தும் அழைப்புவிடுக்கப்பட்டது. மேலும் பவன் கல்யாணின் ஜனசேனா கட்சிக்கும் திமுக சார்பில் அழைப்பு அனுப்பப்பட்டது. ஆனால் ஆந்திராவில் இருந்து எந்த கட்சித் தலைவர்களும் இக்கூட்டத்தில் கலந்து கொள்ளவில்லை. தேசிய ஜனநாயக கூட்டணியில் அங்கம் வகிப்பதால் சந்திரபாபு நாயுடுவின் தெலுங்கு தேசம் கட்சி சார்பில் யாரும் பங்கேற்க மாட்டார்கள் என்ற தகவல் தொடக்கத்திலேயே வெளியாகி இருந்தது. 

கடைசி நேரத்தில் நடந்த மாற்றம்

இருப்பினும் ஒய்.எஸ்.ஆர்.காங்கிரஸ் கட்சியில் சார்பில் மிதுன் ரெட்டி, ஜனசேனா கட்சியில் இருந்து உதய ஸ்ரீனிவாஸ் ஆகியோர் பங்கேற்பார்கள் என திமுக தரப்பில் எதிர்பார்க்கப்பட்டது. அவர்களை வரவேற்கவும் விமான நிலையத்தில் திமுக சார்பில் ஏற்பாடுகள் செய்யப்பட்டன. ஆனால் இறுதி நேரத்தில் இவர்களின் வருகை ரத்து செய்யப்பட்டு உள்ளது.

மும்மொழிக் கொள்கை விவகாரத்தில் திமுக அரசின் செயல்பாடுகளை ஆந்திர துணை முதலமைச்சரும், ஜனசேனா கட்சித் தலைவருமான பவன்கல்யாண் விமர்சித்து வரும் நிலையில், சென்னை கூட்டுக் குழு கூட்டத்தில் ஜனசேனா கட்சி பிரதிநிதி பங்கேற்பதாக வெளியான தகவல் முக்கியத்துவம் வாய்ந்ததாக பார்க்கப்பட்டது. பாஜக கூட்டணியில் உள்ள தெலுங்கு தேசம் கட்சி இக்கூட்டத்தை புறக்கணித்த நிலையில், பவன்கல்யாண் கட்சியும் புறக்கணித்து உள்ளது. 

ஆந்திர அரசியல் நிலவரம் 

ஆந்திராவை பொறுத்தவரை தெலுங்கு தேசம், ஜனசேனா கட்சிகள் பாஜக கூட்டணியில் அங்கம் வகிப்பதால் இக்கூட்டத்தில் பங்கேற்கவில்லை. ஓய்.எஸ்.ஆர்.காங்கிரஸ் கட்சி பிரதான எதிர்க்கட்சியாக இருந்தாலும், பாஜக எதிர்ப்பில் தீவிரம் காட்டாத கட்சியாக இருந்து வருகிறது. தொகுதி மறுசீரமைப்பு விவகாரத்தை நியாமான முறையில் மேற்கொள்ள சொல்லி பிரதமர் நரேந்திர மோடிக்கு ஜெகன்மோகன் ரெட்டி கடிதம் எழுதி உள்ளது குறிப்பிடத்தக்கது. 

மேலும் படிக்க:- DK Shivakumar: ’தொகுதி மறுசீரமப்பு வடக்கு மற்றும் தெற்கு இடையேயான போராட்டம் அல்ல!’ டி.கே.சிவக்குமார் பேச்சு!