‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!

வாழ்க்கையில் செய்த இரண்டு தவறுகள்

சிவசங்கரன், தனது வாழ்க்கையில் செய்த இரண்டு முக்கிய தவறுகளை பகிர்ந்து கொண்டார். முதலாவது, இந்தி மொழியைக் கற்காதது. “நான் இந்தியைக் கற்றிருந்தால், இந்தியாவின் 140 கோடி மக்களையும் எனது தொழிலுக்கு ஈர்த்திருப்பேன்,” என்று அவர் கூறினார். இரண்டாவது, இளம் வயதில் சென்னையை விட்டு டெல்லி அல்லது மும்பைக்கு குடிபெயராதது. “மும்பை அல்லது டெல்லிக்கு சென்று இந்தியைக் கற்றிருந்தால், இன்று நான் 10,000 கோடி ரூபாய் சொத்து மதிப்பை அடைந்திருப்பேன்,” என்று அவர் தெரிவித்தார்.

முதல் தொழிலின் தொடக்கம்

சிவசங்கரின் முதல் தொழில், 24ஆம் வயதில் தொடங்கிய உற்பத்தி தொழிலாகும். அவர் மின் உற்பத்தி நிலையங்களுக்கான உபகரணங்களை தயாரிக்கும் தொழிலில் ஈடுபட்டார், இதில் பி.எச்.இ.எல் (BHEL) போன்ற பெரு நிறுவனங்களுடன் போட்டியிட்டார். தனது முதல் 12,000 ரூபாய் வருவாயை சிறிய திட்டம் ஒன்றின் மூலம் ஈட்டினார். “நான் ஒருபோதும் கடன் வாங்கியவன் இல்லை. எனது 68 ஆண்டு வாழ்க்கையில், தனிப்பட்ட முறையில் ஒரு 100 ரூபாயைக் கூட கடனாக வாங்கியதில்லை,” என்று அவர் பெருமையுடன் கூறினார். பணத்தை ஈர்ப்பதற்கு முக்கியத்துவம் கொடுத்த அவர், கடன் வாங்குவதை விட பணத்தை ஈர்க்கும் திறனே வெற்றிக்கு அடிப்படை என்று வலியுறுத்தினார்.

மேலும் படிக்க:- தலைப்பு செய்திகள்: ராணுவத்திற்கு ஆதரவாக சென்னையில் பேரணி முதல் மின் நிலையங்களில் போர் ஒத்திகை வரை!

தொழில்முனைவு ரகசியங்கள்

சிவசங்கரன், தொழிலில் வெற்றி பெறுவதற்கு மக்களின் தேவைகளை ஆழமாகப் புரிந்து, அவற்றை விலை, தரம், செயல்திறன் மற்றும் விநியோகத்தில் எதிர்பார்ப்புகளை மீறும் வகையில் வணிகமாக மாற்ற வேண்டும் என்று கூறினார். “மக்களின் பூர்த்தி செய்யப்படாத தேவைகளை கண்டறிந்து, அதை வணிக வாய்ப்பாக மாற்றினால், எந்த வயதிலும் வெற்றி பெறலாம்,” என்று அவர் தெரிவித்தார். மேலும், வெற்றிக்கு மனதைப் பயிற்றுவிப்பது முக்கியம் என்றும், ஆனால் ஒரு துறையில் ஆதிக்கம் செலுத்துவது கடினமான பணி என்றும் அவர் விளக்கினார். “நான் வெற்றி பெறுவது உறுதி, ஆனால் ஆதிக்கம் செலுத்துவது எனது கடின உழைப்பு, புதுமை, மற்றும் விடாமுயற்சியைப் பொறுத்தது,” என்று அவர் கூறினார்.

இளம் தொழில்முனைவர்களுக்கு ஆலோசனை

சிறந்த ஐந்து நபர்களைத் தேர்ந்தெடுங்கள்: வணிகம், வாழ்க்கை குறித்து பேசக்கூடிய ஐந்து நபர்களைத் தேர்ந்தெடுக்கவும். “உங்கள் செல்வம், இந்த ஐந்து பேரின் செல்வத்தின் மொத்தமாக இருக்கும்,” என்று அவர் கூறினார்.

குறிக்கோள் அமைக்கவும்

தெளிவான குறிக்கோள்கள் இல்லையெனில் வெற்றி சாத்தியமில்லை. “குறிக்கோள் இல்லையெனில், நீங்கள் ஒரு அலுவலகத்திற்கு வந்திருக்க மாட்டீர்கள்,” என்று அவர் உதாரணமாகக் கூறினார்.

கடின உழைப்பு

தொடர்ச்சியான முயற்சி மற்றும் மீண்டும் மீண்டும் செயல்படுத்துதல் வெற்றிக்கு அவசியம்.

விமர்சனங்களைப் பொருட்படுத்தாதீர்கள்

உங்கள் குறிக்கோள்களை வெளிப்படையாகப் பகிர்ந்து விமர்சனங்களை எதிர்கொள்வதைத் தவிர்க்கவும். மௌனமாக உழைக்கவும்.

பச்சாதாபமும் கவர்ச்சியும்

IQ உங்களுக்கு வேலையைப் பெற்றுத் தரும், ஆனால் EQ (பச்சாதாபம்) உங்களை உயர்த்தும். வாடிக்கையாளர்களுக்கும், குழு உறுப்பினர்களுக்கும் பச்சாதாபம் காட்டுவது அவசியம்.

இளைஞர்களுக்கு வழிகாட்டல்

சிவசங்கர், இளம் தொழில்முனைவர்களுக்கு இலவச வழிகாட்டுதல் வழங்க தயாராக இருப்பதாகவும், பெரு நிறுவனங்களுக்கு அவர்களின் லாபத்தை அதிகரிக்க உதவுவதற்கு கட்டண அடிப்படையில் ஆலோசனை வழங்குவதாகவும் கூறினார். “நீங்கள் 100,000 ரூபாய் லாபம் ஈட்டினால், நான் உங்களை 1,000,000 ரூபாய் லாபம் ஈட்ட வைப்பேன். அதற்கு ஒரு சதவீதத்தை எனக்கு வழங்குங்கள்,” என்று அவர் கூறினார். மேலும், இளைஞர்கள் தன்னுடன் 10-15 நாட்கள் அல்லது ஒரு மாதம் இன்டர்ன்ஷிப் செய்ய அழைப்பு விடுத்தார். “உங்கள் வாழ்க்கையை மாற்றுவேன்,” என்று அவர் உறுதியளித்தார்.

மேலும் படிக்க:- ‘இந்திய ராணுவத்திற்கு ஆதரவாக சென்னையில் பிரம்மாண்ட பேரணி!’ முதலமைச்சர் மு.க.ஸ்டாலின் அறிவிப்பு!