‘செங்கோட்டையன் எண்ட்ரி.. 2026 நமக்கே.. உற்சாகப்படுத்திய இபிஎஸ்’ மாவட்ட செயலாளர்கள் கூட்டத்தில் நடந்தது என்ன?

மேலும் படிக்க | ‘ஆளுநர் ரவி கவலைப்பட வேண்டாம்..’ துணைவேந்தர்கள் மாநாட்டில் துணை குடியரசுத் தலைவர் ஜெகதீப் தன்கர் பேச்சு!

எனவே நீங்கள் அனைவரும் நம்பிக்கையோடு பணியாற்றுங்கள் என்று தெரிவித்தார். 2021 சட்டமன்ற தேர்தலில் 2 லட்சம் வாக்குகளில் தான், நாம் ஆட்சியை தவறவிட்டோம். ஒரு சில தொகுதிகளில் 1000க்கும் குறைவான வாக்குகளில் நாம் வெற்றி வாய்ப்பை இழந்திருக்கிறோம். எங்கெல்லாம் நாம் சொர்ப்ப வாக்குகளில் வெற்றி வாய்ப்பை தவறவிட்டோமோ, அங்கெல்லாம் இன்னும் அதிக கவனத்தோடு பணியாற்றுங்கள்.

நாம் பேசியவை நமக்குள் இருக்கட்டும்

காலம் குறைவாக இருப்பதால், பூத் கமிட்டி அமைக்காத மாவட்டங்களில் அந்த பணியை விரைந்து முடிக்க வேண்டும். 2026ல் நம்முடைய ஆட்சி அமையப் போகிறது என்கிற நம்பிக்கையில் நீங்கள் பணியாற்றுங்கள். இங்கு நாம் பேசியவை, நமக்குள் தான் இருக்க வேண்டும், வெளியில் சென்று இதை பகிர வேண்டாம் என்றும் கேட்டுக் கொண்டார்.

மேலும் படிக்க | தொடரும் அமைச்சர் வழக்குகள்! அமைச்சரவையில் மாற்றம் இருக்குமா? தமிழ்நாட்டின் ஆளும் கட்சியின் நிலை என்ன?

செங்கோட்டையன் பங்கேற்பு

சமீபத்தில் எடப்பாடி பழனிசாமி எம்.எல்.ஏ.,க்களுக்கு கொடுத்த விருந்தில் பங்கேற்காத செங்கோட்டையன், இன்று நடந்த மாவட்ட செயலாளர்கள் கூட்டத்தில் பங்கேற்றார். எடப்பாடி பழனிசாமியின் இருக்கைக்கு எதிரே, கைக்கு எட்டும் தூரத்தில் அமர்ந்திருந்தார் செங்கோட்டையன். தலைமை நிர்வாகிகளும், பொதுச் செயலாளரும் மட்டுமே பேசியதால், செங்கோட்டையன் உள்ளிட்ட மாவட்ட செயலாளர்கள் பேச வாய்ப்பு கிடைக்கவில்லை. இருப்பினும் மாவட்ட செயலாளர்களுக்கான தகவலை, எடப்பாடி பழனிசாமி தெரிவித்தார்.