திடீரென டெல்லிக்கு பறந்த எடப்பாடி பழனிசாமி.. மாறுமா கூட்டணி கணக்கு?.. முக்கிய தலைவர்களை சந்திக்க வாய்ப்பு என தகவல்!

அதிமுக - தேமுதிக மனக்கசப்பு

ராஜ்யசபா சீட் விவகாரத்தில் அதிமுக தலைமையிலான கூட்டணியில் இடம்பெற்றுள்ள தேமுதிகவுக்கும் அக்கட்சிக்கும் ஏற்பட்டுள்ள மனக்கசப்பு மற்றும் பாஜகவை கூட்டணியில் சேர்ப்பது தொடர்பாக அதிமுக பொதுச்செயலாளர் எடப்பாடி பழனிசாமி இன்னும் உறுதியான முடிவு எடுக்காததும் திமுக கூட்டணிக்கு சாதகமாக பார்க்கப்படுகிறது.

மேலும் படிக்க | தங்கம் விலை நிலவரம்: நகைப்பிரியர்களுக்கு ஒரு குட் நியூஸ்.. தங்கம் விலை தொடர்ந்து குறைவு.. மார்ச் 25 இன்றைய நிலவரம் இதோ! 

திமுக கூட்டணிக்குள் சலசலப்பு

அதேநேரம், திமுக கூட்டணியில் உள்ள தமிழக வாழ்வுரிமை கட்சியின் தலைவர் வேல்முருகன், சமீபகாலமாக பொது நிகழ்ச்சிகளில் மட்டுமின்றி சட்டமன்றத்திலும் திமுக அரசை கடுமையாக விமர்சித்து கருத்துக்களை தெரிவித்து வருவது சலசலப்பை ஏற்படுத்தி உள்ளது. ஏற்கனவே, ஆளும் கூட்டணிக்கு எதிராக திருமாவளவன் அவ்வப்போது கருத்துக்களை தெரிவித்துவரும் நிலையில், வேல்முருகனின் செயல்பாடு திமுக கூட்டணிக்கு மேலும் நெருடலை ஏற்படுத்தி வருகிறது.

மேலும் படிக்க | திமுக அரசுக்கு எதிராக திரும்பும் கார்த்தி சிதம்பரம், வேல்முருகன்! சவுக்கு சங்கர் வீடு சூறைக்கு குவியும் கண்டனங்கள்!

மீண்டும் அதிமுக - பாஜக கூட்டணி?

இந்தநிலையில், டெல்லி பயணம் மேற்கொண்டுள்ள எடப்பாடி பழனிசாமி பாஜக தலைவர்களை நேரில் சந்தித்து முக்கிய ஆலோசனையில் ஈடுபட உள்ளதாக தகவல்கள் தெரிவிக்கின்றன. இதனால், எதிர்வரும் சட்டமன்றத் தேர்தலில் அதிமுக - பாஜக மீண்டும் கூட்டணி அமைத்து தேர்தலை சந்திக்க வாய்ப்பு இருப்பதாகவும் கூறப்படுகிறது.