TVK Vijay: ’ஆனந்த் கொஞ்சம் வெளிய இருங்க!’ மாவட்ட பொறுப்பாளார்களுடன் தனிமையில் விஜய் ஆலோசனை!
தமிழ்நாட்டில் உள்ள 234 தொகுதிகளிலும் 2 தொகுதிகளுக்கு ஒரு மாவட்ட செயலாளர் வீதம் நூற்றுக்கும் மேற்பட்ட மாவட்டங்களாக பிரிக்கப்பட்ட மாவட்ட செயலாளர்களை நியமனம் செய்யும் பணி இறுதி வடிவம் பெற்று உள்ளது.

தமிழக வெற்றிக் கழக நிர்வாகிகளை நியமிக்க பணம் பெறப்படுவதாக தகவல்கள் வெளியான நிலையில் புஸ்ஸி ஆனந்த் உள்ளிட்டோரை வெளியே இருக்க சொல்லிவிட்டு, மாவட்ட பொறுப்பாளர்கள் உடன் விஜய் தனித்தனியாக ஆலோசனை நடத்தி வருகிறார்.
தமிழ்நாட்டில் உள்ள 234 தொகுதிகளிலும் 2 தொகுதிகளுக்கு ஒரு மாவட்ட செயலாளர் வீதம் நூற்றுக்கும் மேற்பட்ட மாவட்டங்களாக பிரிக்கப்பட்ட மாவட்ட செயலாளர்களை நியமனம் செய்யும் பணி இறுதி வடிவம் பெற்று உள்ளது.
நிர்வாகிகள் நியமனத்திற்கு பணமா?
இதனிடையே தவெக மாவட்ட செயலாளர் பதவிகளுக்கு நிர்வாகிகளை நியமனம் செய்ய 15 லட்சம் வரை பணம் பெறப்படுவதாக குற்றச்சாட்டுக்கள் எழுந்தன. முன்னதாக, விழுப்புரம் நகர தலைவர் பதவிக்கு ரூ.15 லட்சம் கேட்பதாக புகார் எழுந்திருந்தது. இதுகுறித்து விழுப்புரம் தவெக வாட்ஸ் ஆப் குரூப்பில் வாட்ஸ் ஆப் சேட் ஒன்று கசிந்துள்ளது. அதில், விழுப்புரம் மாவட்ட தலைவராக இருக்கும் 'குஷி' மோகன் நகர தலைவர் பதவிக்கு ரூ.15 லட்சம் நிர்ணயித்தாக குற்றச்சாட்டு கூறப்பட்டிருந்தது. 19 அணி தலைவர்களுக்கும் அந்தந்த பதவிக்கு ஏற்ற வகையில் பணம் நிர்ணயம் செய்ததாகவும் கூறப்படுகிறது. இதனை தொடர்ந்து கட்சி பொறுப்புகளுக்கு பணம் பெறும் நிர்வாகிகள் கட்சியில் இருந்து நீக்கம் செய்யப்படுவார்கள் என தவெக பொதுச்செயலாளர் புஸ்ஸி என். ஆனந்த் மூலம் விஜய் எச்சரிக்கை விடுத்து இருந்தார்.
விஜய் தனியாக ஆலோசனை!
இந்த நிலையில் சென்னையை அடுத்த பனையூரில் உள்ள தமிழக வெற்றிக் கழக தலைமை அலுவலகத்தில் மாவட்ட நிர்வாகிகள் உடன் தவெக தலைவர் விஜய் ஆலோசனை நடத்தி வருகிறார். தவெக பொதுச்செயலாளர் புஸ்ஸி என்.ஆனந்த், பொருளாளர் உள்ளிட்டோரை வெளியே இருக்க சொல்லிவிட்டு விஜய் ஆலோசனை நடத்தி வருகிறார். இந்த ஆலோசனை கூட்டத்திற்கு பிறகு தவெக மாவட்ட செயலாளர்கள் பட்டியல் வெளியாகும் என்று எதிர்பார்க்கப்படுகிறது. மேலும் தமிழக வெற்றிக் கழகத்தின் இரண்டாம் ஆண்டு தொடக்க விழாவை கொண்டாடுவது குறித்தும் ஆலோசிக்கப்பட்டு வருகின்றது.
