முன்னாள் முதல்வர் ஜெயலலிதாவுக்கு எதிராக பேச முக்கிய காரணம் என்ன?.. வீடியோ வெளியிட்டு விளக்கம் அளித்த ரஜினிகாந்த்!

ஆர்.எம்.வீரப்பனை அமைச்சர் பதவியில் இருந்து நீக்கிய ஜெயலலிதா

‘பாட்ஷா’ திரைப்பட 100 நாள் விழா நடைபெற்ற மேடையில் அமைச்சர் ஆர்.எம்.வீரப்பனை வைத்துக்கொண்டே வெடிகுண்டு கலாசாரம் குறித்து பேசிவிட்டேன். அமைச்சராக இருந்த அவரை வைத்துக்கொண்டே நான் பேசியிருக்கக் கூடாது. ஆனால், அன்றைய சூழலில் தெளிவு இல்லாமல் பேசிவிட்டேன். இதனால் அப்போதைய முதலமைச்சர் ஜெயலலிதா அவர்கள், ஆர்.எம்.வீரப்பனை அமைச்சர் பதவியில் இருந்தே நீக்கிவிட்டார்.

மேலும் படிக்க | RIP Kumari Ananthan: காமராஜரின் சீடர்.. சமரசம் இல்லாத கொள்கைவாதி.. இலக்கிய செல்வர்.. யார் இந்த குமரி அனந்தன்?

இது தெரிந்தவுடன் என்னால் இப்படி நடந்துவிட்டதே என்று எண்ணி எனக்கு இரவு முழுவதும் தூக்கம் வரவில்லை. உடனே ஆர்.எம்.வீரப்பனை தொடர்பு கொண்டு வருத்தம் தெரிவித்தேன். ஆனால், அவர் சாதாரணமாக எடுத்துக்கொண்டார்.

ஜெயலலிதாவுக்கு எதிராக பேசியது ஏன்?

மதிப்புக்குரிய ஜெயலலிதா அவர்களுக்கு எதிராக நான் குரல் கொடுத்ததற்கு சில காரணங்கள் இருந்தால் கூட.. இந்த காரணம் முக்கியமானது. அதன் பிறகு, ஆர்.எம்.வீரப்பனிடம் நான் வந்து ஜெயலலிதாவிடம் பேசுகிறேன் என்றேன். ஆனால், ஜெயலலிதா ஒரு முடிவெடுத்தால் மாற்ற மாட்டார், அவரிடம் பேசி உங்கள் மரியாதையை நீங்கள் இழக்க வேண்டாம் என்று அவர் தெரிவித்துவிட்டார். நீங்கள் சொல்லி அங்கு சேர வேண்டிய அவசியமில்லை எனத் தெரிவித்துவிட்டார். இவர் தான் ரியல் கிங் மேக்கர்." எனத் தெரிவித்துள்ளார்.

மேலும் படிக்க | நீட் எதிர்ப்பு என்று நாடகங்களை நடத்தி கொண்டிருக்கிறார் முதல்வர் ஸ்டாலின்.. சரமாரியாக விளாசும் அண்ணாமலை!

'ஆர்.எம்.வி. தி கிங் மேக்கர்'

முன்னதாக, மூத்த அரசியல் தலைவரும், முன்னாள் அமைச்சருமான ஆர்.எம்.வீரப்பனின் முதலாம் ஆண்டு நினைவு நாளான இன்று 'ஆர்.எம்.வி. தி கிங் மேக்கர்' என்ற ஆவணப் படம் தொடர்பாக வீடியோ காட்சி வெளியிட்ப்பட்டது. இந்த வீடியோ காட்சியில், தமிழக முதல்வர் மு.க.ஸ்டாலின் மற்றும் நடிகர் ரஜினிகாந்த் ஆகியோர் ஆர்.எம்.வீரப்பன் குறித்த நினைவுகளை பகிர்ந்து பேசும் காட்சிகள் இடம்பெற்றுள்ளன.