தமிழ் செய்திகள்  /  Sports  /  Wpl 2023 Mumbai Indians Women Scored Only 109 Runs For 20 Overs

WPL 2023: மும்பை அணிக்கு என்ன ஆச்சு?-109 ரன்களில் சுருட்டிய டெல்லி கேபிட்டல்ஸ்

Manigandan K T HT Tamil
Mar 20, 2023 09:02 PM IST

DCW vs MIW: 110 ரன்கள் எடுத்தால் டெல்லி கேபிட்டல்ஸ் அணி வெற்றி பெறும்.

ஹர்மன்ப்ரீத் கவுர் அடித்த பந்தை கேட்ச் பிடித்த ஜெமிமா
ஹர்மன்ப்ரீத் கவுர் அடித்த பந்தை கேட்ச் பிடித்த ஜெமிமா (@DelhiCapitals)

ட்ரெண்டிங் செய்திகள்

டாஸ் வென்ற டெல்லி கேபிட்டல்ஸ் அணி பந்துவீச்சைத் தேர்வு செய்தது. இதையடுத்து, முதலில் விளையாடிய மும்பை இந்தியன்ஸ் எடுத்தது.

யஸ்திகா பாட்டியா 1 ரன்னிலும், ஹேலே மாத்யூஸ் 5 ரன்னிலும் ஆட்டமிழந்து மும்பை இந்தியன்ஸ் ரசிகர்களுக்கு அதிர்ச்சி கொடுத்தனர்.

பின்னர் வந்த பிரண்டும் டக் அவுட்டானார். கேப்டன் ஹர்மன்ப்ரீத் கவுரும் பெரிதாக சோபிக்கவில்லை. அவர் 23 ரன்களில் நடையைக் கட்டினார். அமெலியா கெர் ரன்களிலும், பூஜா வஸ்த்ரகர் 26 ரன்களிலும் ஆட்டமிழந்தனர்.

டெல்லி தரப்பில் மிரஸான்னே காப், ஷிகா பாண்டே ஆகியோர் தலா 2 விக்கெட்டுகளை கைப்பற்றினர்.

ஜெமிமா ஹர்மன்ப்ரீத் கேட்சை அட்டகாசமாக பிடித்து பாராட்டுகளை பெற்றார்.

இவ்வாறாக மும்பை இந்தியன்ஸ் அணி 20 ஓவர்களில் 8 விக்கெட் இழப்புக்கு 109 ரன்களில் சுருண்டது.

110 ரன்கள் எடுத்தால் வெற்றி என்ற இலக்குடன் டெல்லி கேபிட்டல்ஸ் மகளிர் விளையாடுகிறது.

தொடர்ச்சியாக 5 ஆட்டங்களில் வெற்றி பெற்று வீறு நடை போட்டு பிளே ஆஃப் சுற்றுக்கு முன்னேறிவிட்டது மும்பை.

அந்த அணியை கடந்த சனிக்கிழமை நடந்த ஆட்டத்தில் வீழ்த்தியது யு.பி.வாரியர்ஸ். தற்போது மெக் லான்னிங் தலைமையிலான டெல்லி கேபிட்டல்ஸ் அணியுடன் கோதாவில் குதித்துள்ளது.

ஏற்கனவே டெல்லி அணியை மும்பை இந்தியன்ஸ் 8 விக்கெட் வித்தியாசத்தில் வீழ்த்தியது.

தற்போது அதற்கு பதிலடி கொடுக்க டெல்லி கேபிட்டல்ஸ் அணி வீராங்கனைகள் தீவிர முனைப்புடன் விளையாடி வருகின்றனர்.

முன்னதாக, 3.30 மணிக்கு நடைபெற்ற மற்றொரு ஆட்டத்தில் யு.பி.வாரியர்ஸ் 19.5 ஓவர்களில் 7 விக்கெட் இழப்புக்கு 181 ரன்கள் எடுத்து வெற்றி பெற்று பிளே ஆஃப் சுற்றுக்கு முன்னேறியது.

WhatsApp channel

டாபிக்ஸ்