தமிழ் செய்திகள்  /  விளையாட்டு  /  Sumit Nagal: 10 நாள்களில் 8 வெற்றிகள்..! பெருகியா சேலஞ்சர்ஸ் அரையிறுதியில் சுமித் நாகல்

Sumit Nagal: 10 நாள்களில் 8 வெற்றிகள்..! பெருகியா சேலஞ்சர்ஸ் அரையிறுதியில் சுமித் நாகல்

Muthu Vinayagam Kosalairaman HT Tamil
Jun 15, 2024 05:52 PM IST

ஆறாவது நிலை வீரரான இந்தியாவின் சுமித் நாகல், போலந்து நாட்டின் தரவரிசை பெறாத மாக்ஸ் கஸ்னிகோவ்ஸ்கியை காலிறுதியில் வீழ்த்தி பெருகியா சேலஞ்சர் டென்னிஸ் தொடர் அரையிறுதிக்கு முன்னேறியுள்ளார். கடந்த 10 நாள்களில் 8 வெற்றிகள் பெற்றிருக்கிறார் சுமித் நாகல்.

பெருகியா சேலஞ்சர்ஸ் அரையிறுதியில் நுழைந்த சுமித் நாகல்
பெருகியா சேலஞ்சர்ஸ் அரையிறுதியில் நுழைந்த சுமித் நாகல்

ட்ரெண்டிங் செய்திகள்

அரையிறுதியில் இந்திய வீர்ர சுமித் நாகல்

இதையடுத்து இந்த தொடரின் காலிறுதி போட்டி இந்தியாவின் ஆறாவது நிலை வீரரான சுமித் நாகல், போலாந்து நாட்டின் தரவரிசை பெறாத மாக்ஸ் கஸ்னிகோவ்ஸ்கி ஆகியோருக்கு எதிராக நடைபெற்றது. பரபரப்பாக சென்ற இந்த போட்டியில் இந்திய வீரர் சுமித் நாகல் 6-4, 7-5 என்ற நேர் செட்களில் வெற்றி பெற்று அரையிறுதிக்கு முன்னேறினார். சுமார் 55 நிமிடங்கள் வரை இந்த போட்டியானது நடைபெற்றது.

அத்துடன் சுமித் நாகலுக்கு இது எட்டாவது தொடர் வெற்றியாக அமைந்துள்ளது. கடந்த 10 நாள்களுக்கு முன் ஜெர்மனியில் நடைபெற்ற ஹைய்ப்ரான் சேலஞ்சர் தொடரில் பெற்ற வெற்றியில் இருந்து சுமித் நாகல் வெற்றி பயணமானது தொடர்ந்து வருகிறது.

அடுத்த போட்டி

இந்த தொடரின் அரையிறுதி போட்டியில் ஸ்பெயின் நாட்டு வீரரான பெர்னாபே ஜபாடா மிரல்லஸ் என்பவை எதிர்கொள்ள இருக்கிறார் சுமித் நாகல். பெர்னாபே ஜபாடா மிரல்லஸ் உலக தரவரிசை பட்டியலில் தற்போது 219வது இடத்தில் உள்ளார்.

தரவரிசையில் முன்னேற்றம்

இந்த வெற்றியால் சுமித் நாகல் உலக தரவசையில் 77வது இடத்துக்கு முன்னேறியுள்ளார். அடுத்த மாதம் நடைபெற இருக்கும் பாரிஸ் ஒலிம்பிக் போட்டியில் விளையாடுவதற்கு இவர் தகுதி பெற்றுள்ளார். ஒற்றையர் பிரிவில் பெற்ற புள்ளிகளின் அடிப்படையில் இவர் ஒலிம்பிக் போட்டியில் விளையாடும் வாய்ப்பை பெற்றுள்ளனர்.

முன்னதாக, இந்த பெருகியா சேலஞ்சர் தொடரின் தொடக்கத்தில் போஸ்னியாவை சேர்ந்த நெர்மன் ஃபாடிக் என்பவரை தொடக்க போட்டியில் வீழ்த்தி, பின்னர் தரவரிசை பெறாத இத்தாலி வீரரான அலெஸ்ஸாண்ட்ரோ ஜென்னஸ்ஸி என்பவரை அடுத்த சுற்றில் வீழ்த்தி காலிறுதிக்கு நுழைந்தார் சுமித் நாகல். தற்போது அரையிறுதிக்கும் நுழைந்து சாத்தித்துள்ளார்.

இந்த ஆண்டில் இரண்டு பட்டங்கள்

அதேபோல் சமீப காலங்களில் நடைபெற்று முடிந்த ஏடிபி சேலஞ்ச் தொடர், பிரெஞ்ச் ஓபன் 2024 என சிறப்பாக செயல்ப்பட்டாலும் சாம்பியன் பட்டத்தை வெல்லவில்லை. இருப்பினும் சுமித் நாகல் பார்ம் சிறப்பாக இருந்து வருகிறது. 

கடந்த 2018இல் இருந்து டேவிஸ் கோப்பை தொடருக்கான இந்திய அணியில் இடம்பிடித்து வருகிறார் சுமித் நாகல், 2015 விம்பிள்டன் பாய்ஸ் இரட்டையர் பட்டத்தை வியட்நாம் வீரருடன் இணைந்து வென்றார். இதன் மூலம் கிராண்ட் ஸ்லாம் பட்டத்தை வென்ற ஆறாவது இந்தியர் என்ற பெருமை பெற்றார்.

இந்த ஆண்டில் கடந்த பிப்ரவரி மாதம் சென்னையில் நடைபெற்ற சென்னை ஓபன் சேலஞ்சர், கடந்த வாரம் ஜெர்மனியில் நடைபெற்ற ஹைய்ப்ரான் சேலஞ்சர் ஆகிய சேலஞ்சர் தொடர்களில் பட்டம் வென்றுள்ளார் சுமித் நாகல்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

டாபிக்ஸ்

மேலும் பேட்மிண்டன், டென்னிஸ், கபடி, கால்பந்து, வில்வித்தை, துப்பாக்கி சுடுதல் உள்ளிட்ட அனைத்து விளையாட்டு செய்திகளையும் தெரிந்து கொள்ளலாம்.