Malaysia Masters: இந்த ஆண்டின் முதல் பைனல்! மலேசியா மாஸ்டர்ஸ் தொடரில் கோப்பையை நெருங்கிய பிவி சிந்து
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  விளையாட்டு  /  Malaysia Masters: இந்த ஆண்டின் முதல் பைனல்! மலேசியா மாஸ்டர்ஸ் தொடரில் கோப்பையை நெருங்கிய பிவி சிந்து

Malaysia Masters: இந்த ஆண்டின் முதல் பைனல்! மலேசியா மாஸ்டர்ஸ் தொடரில் கோப்பையை நெருங்கிய பிவி சிந்து

Muthu Vinayagam Kosalairaman HT Tamil Updated May 25, 2024 05:55 PM IST
Muthu Vinayagam Kosalairaman HT Tamil
Updated May 25, 2024 05:55 PM IST

ஐந்தாவது சீட் வீராங்கனையான பிவி சிந்து கடந்த இரண்டு ஆண்டுகளாக எந்த பட்டமும் வெல்லவில்லை. மலேசியா மாஸ்டர்ஸ் தொடரில் இந்த ஆண்டில் முதல் பைனல் போட்டியில் விளையாட இருக்கும் அவர் கோப்பையை நெருங்கியிருக்கிறார்.

மலேசியா மாஸ்டர்ஸ் தொடரில் கோப்பையை நெருங்கிய பிவி சிந்து
மலேசியா மாஸ்டர்ஸ் தொடரில் கோப்பையை நெருங்கிய பிவி சிந்து
Share on Whatsappஎங்களை பின் தொடரலாம்
  • Share on Twitter
  • Share on Facebook

பேட்மிண்டன் விளையாட்டில் இந்தியாவுக்காக இரண்டு ஒலிம்பிக் பதக்கங்களை வென்றவர் நட்சத்திர வீராங்கனையான பிவி சிந்து. தற்போது மலேசியாவில் நடைபெற்று வரும் மலேசியா மாஸ்டர்ஸ் போட்டியில் விளையாடி வருகிறது. இதையடுத்து இந்த தொடரில் பெண்கள் ஒற்றையர் பிரிவில் இறுதிப்போட்டிக்கு பிவி சிந்து முன்னேறியுள்ளார்.

தாய்லாந்து வீராங்கனையான பூசனன் ஓங்பாம்ருங்பன் என்பவரை அரையிறுதியில் வீழ்த்தி இறுதிக்கு தகுதி பெற்றுள்ளார்.

பரபரப்பான போட்டி

பூசனன் ஓங்பாம்ருங்பன் உடனான போட்டி மூன்று செட்களை விளையாடி அவரை வீழ்த்தியுள்ளார் பிவி சிந்து. முதல் செட்டில் 13-21 என பின் தங்கிய பிவி சிந்து, அடுத்து விஸ்வரூப ஆட்டத்தை வெளிப்படுத்தி 21-16, 21-12 என அடுத்த இரண்டு செட்களையும் கைப்பற்றினார்.

உலக அளவில் 20வது ரேங்கிங்கில் இருந்து வரும் பூசனனுக்கு எதிராக பிவி சிந்து 18வது வெற்றியை பதிவு செய்துள்ளார். இவர்கள் மோதிக்கொண்ட அரையிறுதி ஆட்டம் 88 நிமிடங்கள் வரை நீடித்தது. பரபரப்புக்கு பஞ்சமில்லாத வகையில் இருவரும் போட்டி போட்டு விளையாடியபோதிலும், சிந்து அடுத்தடுத்து புள்ளிகளை பெற்ற நெருக்கடி தந்தார்.

முதல் பைனல்

பிவி சிந்து, கடைசியாக 2022இல் நடைபெற்ற சிங்கப்பூர் ஓபன் பட்டத்தை வென்றார். இதன் பின்னர் கடந்த ஆண்டில் மட்ரிட் ஸ்பெயின் மாஸ்டரில் இறுதி வரை சென்று ரன்னர் அப் ஆனார். இதைத்தொடர்ந்து இந்த ஆண்டில் முதல் பைனல் போட்டியில் மலேசியா மாஸ்டர்ஸ் தொடரில் விளையாடி இருக்கிறார்.

கடந்த இரண்டு ஆண்டுகளாக இருந்து வரும் கோப்பை வறட்சிக்கு பிவி சிந்து இந்த முறை முற்றுப்புள்ளி வைக்க வேண்டும் என்பது ரசிகர்களின் எதிர்பார்ப்பாக உள்ளது.

உலக அளவில் 15வது ரேங்கிங்கில் இருந்து வரும் பிவி சிந்து, அடுத்த இரண்டு மாதங்களி்ல பாரிஸில் நடைபெற இருக்கும் ஒலிம்பிக் போட்டியில் மூன்றாவது பதக்கத்தை பெறுவதற்கானன தீவிர முயற்சியில் உள்ளார்.

இறுதிப்போட்டியில் சீனா வீராங்கனையுடன் மோதல்

இறுதிப்போட்டியில் உலகின் நம்பர் 7 வீராங்கனையான சீனாவை சேர்ந்த வாங் ஜி இ என்பவரை இறுதிப்போட்டியில் எதிர்கொள்ள இருக்கிறார். இவர்கள் இருவரும் இதற்கு முன்னர் மூன்று முறை நே்ருக்கு நேர் மோதியுள்ளனர். இதில் பிவி சிந்து இரண்டு முறை வெற்றி பெற்றுள்ளார். கடந்த ஆண்டில் ஆர்டிக் ஓபன் பேட்மிண்டன் தொடரில் இவர்கள் இருவரும் மோதினார்கள். இதில் சீனாவின் வாங் ஜி இ வெற்றி பெற்றார்.

இதன் பின்னர் மலேசியா மாஸ்டர்ஸ் இறுதிப்போட்டியில் பிவி சிந்து - வாங் ஜி இ ஆகியோர் கோப்பைக்காக பலப்பரிட்சை செய்ய உள்ளார்கள். இந்த போட்டி நாளை காலை 7.30 மணிக்கு நடைபெற இருக்கிறது. இந்த போட்டியை ஸ்போர்ட்ஸ் 18 சேனலில் காணலாம்.

இறுதிப்போட்டியில் உலகின் நம்பர் 7 வீராங்கனையான சீனாவை சேர்ந்த வாங் ஜி இ என்பவரை இறுதிப்போட்டியில் எதிர்கொள்ள இருக்கிறார். இவர்கள் இருவரும் இதற்கு முன்னர் மூன்று முறை நே்ருக்கு நேர் மோதியுள்ளனர். இதில் பிவி சிந்து இரண்டு முறை வெற்றி பெற்றுள்ளார். கடந்த ஆண்டில் ஆர்டிக் ஓபன் பேட்மிண்டன் தொடரில் இவர்கள் இருவரும் மோதினார்கள். இதில் சீனாவின் வாங் ஜி இ வெற்றி பெற்றார்.

இதன் பின்னர் மலேசியா மாஸ்டர்ஸ் இறுதிப்போட்டியில் பிவி சிந்து - வாங் ஜி இ ஆகியோர் கோப்பைக்காக பலப்பரிட்சை செய்ய உள்ளார்கள். இந்த போட்டி நாளை காலை 7.30 மணிக்கு நடைபெற இருக்கிறது. இந்த போட்டியை ஸ்போர்ட்ஸ் 18 சேனலில் காணலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.