தமிழ் செய்திகள்  /  Sports  /  Pujara Smashes Incredible 174 Off Just 131 Balls For Sussex In Royal London One Day Cup

டெஸ்ட் பேட்ஸ்மேன் புஜாராவின் ருத்ரதாண்டவம்! 174 ரன்கள் குவிப்பு

Muthu Vinayagam Kosalairaman HT Tamil
Aug 15, 2022 03:34 PM IST

இதுவரை இல்லாத அளவு மிரட்டலான அதிரடி ஆட்டத்தை வெளிப்படுத்தியுள்ள புஜாரா, 131 பந்தில் 174 ரன்கள் அடித்துள்ளார். இதில் 20 பவுண்டரி, 5 சிக்ஸர் என 132.82 ஸ்டிரைக் ரேட் பெற்று சர்ரெ அணிக்கு எதிரான இங்கிலாந்து கவுண்டி கிரிக்கெட் ஆட்டத்தில் ரன் குவித்துள்ளார்.

ராயல் லண்டன் கப் ஒரு நாள் கவுண்டி கிரிக்கெட்டில் சர்ரெ அணிக்கு எதிராக பேட்டிங்கில் கலக்கிய புஜாரா
ராயல் லண்டன் கப் ஒரு நாள் கவுண்டி கிரிக்கெட்டில் சர்ரெ அணிக்கு எதிராக பேட்டிங்கில் கலக்கிய புஜாரா

ட்ரெண்டிங் செய்திகள்

பேட்டில் பட்டதெல்லாம் பவுண்டரி என சொல்லும் விதமாக நாலபுறமும் பவுண்டரி சிக்ஸர்களாக விளாசி தள்ளிய அவர் 131 பந்துகளில் 174 ரன்கள் குவித்தார்.

புஜாரா அதிரடியால் சசெக்ஸ் அணி 50 ஓவரில் 378 ரன்கள் குவித்தது. அதேபோல் தனது சிறப்பான கேப்டன்சி மூலம் சர்ரெ அணியை 162 ரன்களில் ஆல் அவுட்டாக்கி 216 ரன்கள் வித்தியாசத்தில் மாபெரும் வெற்றியை பெற செய்தார்.

புஜாரா இந்த தொடரில் ஆரம்பத்திலிருந்தே நல்ல பார்மில் இருந்து வருகிறார். தற்போது ஐந்து இன்னிங்ஸில் 367 ரன்கள் குவித்து, இரண்டாவது அதிகபட்ச ஸ்கோர் எடுத்த வீரராக உள்ளார்.

இந்தத் தொடரில் புஜாராவின் சராசரி 91.75 எனவும், ஸ்டிரைக் ரேட் 120.72 எனவும் உள்ளது.

இந்திய கிரிக்கெட் அணியின் டாப் ஆர்டர் டெஸ்ட் பேட்ஸ்மேனாக இருந்து வரும் புஜாரா மோசமான பார்ம் காரணமாக இந்த ஆண்டு தொடக்கத்தில் இலங்கைக்கு எதிரான டெஸ்ட் தொடரிலிருந்து நீக்கப்பட்டார். இதையடுத்து இங்கிலாந்து கவுண்டி கிரிக்கெட்டில் பங்கேற்ற அவர் தனது பார்மை மீட்டடெடுத்தது மட்டுமில்லாமல் கணிசமான ரன்களையும் குவித்து வருகிறார்.

முதலில் டெஸ்ட் கிரிக்கெட்டில் ஜொலித்த அவர், தற்போது ஒரு நாள் போட்டியிலும் சிறப்பாக பேட் செய்த ரன் குவிப்பில் ஈடுபட்டு வருகிறார்.

WhatsApp channel

டாபிக்ஸ்